Read Alur Zaburi 92 Bible Online

Zaburi 92 - Alur bible

Zaburi 92

¹En e gin ma ber ya jufoi Yehova, Ya juwer pak de ni nyingi, E Ng’atu ma Malu Ngbir;

²Ya junyuth mer mi bero peri kugweno, Man bedo mandha peri ku bang’ uthieno ceke;

³Ku jambwer ma ju thondhe apar, man ku nanga; Ku ba dwal ma cu wi adungu.

⁴Kum in, Yehova, inyayu mutoro i ia ni kum tic peri: Abisagu ni kum tic mi cingi.

⁵E Yehova, tic peri dwong’ mire ma! Pidoic peri thuth hai.

⁶Ng’atu ma cobo ng’eyo ngo; Kadok jakasegu de ng’eyo maeni ngo:

⁷Kinde ma dhanu ma rac gimeu calu lum, Man kinde ma lembe bedo miero ni jutic mi kier ceke; En e nia gibinyothri mi nja.

⁸Ento in, E Yehova, ini malu mi nja.

⁹Kum, nen, judegi peri, E Yehova, Kum, nen, judegi peri gibinyothri; Jutimkier ceke gibilal.

¹⁰Ento idodo tung para calu tung kon dhiang’ m’i thim: Juwira ku mo ma nyen.

¹¹Wang’a bende neno ju m’ukanu adhi ira, Itha tvinjo pi judubo m’uai i kuma.

¹²Ng’atu ma pwe bijany calu yendthith: Ebidongo calu musonge i Lebanon.

¹³Jupidhogi i ot pa Yehova; Gibijany i lelagang’ pa Mungu mwa.

¹⁴Gibicego nying’gi asu i tio; Gibibedo pong’ ku mio ma numu:

¹⁵Kara unyuth nia Yehova en e atira: En e cana para, man gondri moko mbe i ie.