Read Alur Zaburi 95 Bible Online

Zaburi 95 - Alur bible

Zaburi 95

¹A wubin, waweru ni Yehova; Wek watimu badwal mir anyong’a ni cana mi both mwa.

²Wek wabinu i wang’e ku foyofoc; Wek watimu badwal mir anyong’a ire ku zaburi.

³Kum Yehova en e Mungu ma dwong’, Man Ubimo ma dwong’ wi mungu ceke.

⁴Ka ma thuth mi ng’om ni wi cinge; Ka m’utingre mi gudi bende gi pare.

⁵Nam en e pare, man etime; Man cinge timo ng’om m’uthwo.

⁶A wubin, wek warwou aruma piny; Wek warumu i wang’ Yehova ma Jacwic mwa:

⁷ Kum en e Mungu mwa, Man wan wa dhanu mi kwac pare, man rombe mi cinge. Tinuni, a tek wubiwinjo dwande!

⁸Kud wudwok cwinywu nwang’, calu i ceng’ mi piem, Calu i ceng’ mir abidhe i langa;

⁹Kinde ma kwaruwu bidha, Gimulo ia, man gineno tic para.

¹⁰Can unega kum dhanum’utuk maeca rundi pier ang’wen, Man awacu kumae, Gi dhanu m’ukier i adundegi, Man ging’eyo yo para ngo:

¹¹Kum kumeno akwong’o ku kwinyo para, Nia gibimondo i yom para ngo.