Read Alur Zaburi 99 Bible Online

Zaburi 99 - Alur bible

Zaburi 99

¹Yehova bimo: wek kum kodhidhanu miel: Ebedo malu wi kerubi; wek ng’om uyengre.

²Yehova e dwong’ i Sayuni; Man eni malu wi kodhidhanu ceke.

³Wek gipak nyingi ma dwong’ ma ng’oyo ndiri de: E leng’.

⁴Tego mir ubimo bende maru poko lembe; Iketho lembatira cungo; Itimo pokolembe ku bedopwe ni Yakobo.

⁵Wudod Yehova Mungu mwa. Man wurwo kum kom mi tiende: E leng’.

⁶Musa ku Harun i kind julam pare, Man Samwil i kind ju m’ulwong’o nyinge; Gilwong’o Yehova, man eloko lembe igi.

⁷Eweco i bang’gi kud i mbegi mir afuru: Giworo lembatuca pare, Man cik m’emio igi.

⁸Idwoko lembe igi, E Yehova Mungu mwa: In i Mungu m’uweko dubo migi, Kadok iculo kwor kum tim migi.

⁹Wudod Yehova Mungu mwa, Man wurwo kum got pare ma leng’ Kum Yehova Mungu mwa e leng’.