Read Alur Lembrieko 10 Bible Online

Lembrieko 10 - Alur bible

Lembrieko 10

¹Wodo ma riek ketho anyong’a nego wego; Ento wodo ma jakasegu en e adieng’acwiny pa min.

²Piny m’akana mi dubo loko gin moko ngo; Ento bedopwe bodho jo ni tho.

³Yehova biyio ngo nia ava gin moko neg ju ma pwe; Ento ecoro ava mi judubo cen.

⁴Ng’atu ma timo tic ku cinge ma ng’ic edoko jacan; Ento cing’ jatim ma kud amora elonyo.

⁵Ng’atu ma coko i nindo mi ceng’ en e wodo ma riek; Ento ng’atu ma nindo i palacam en e wodo ma nyayu lewic.

⁶Mugisa ni wi ju ma pwe; Ento rop umo dhu judubo.

⁷Poi ma pi ju ma pwe en e mugisa; Ento nying’ judubo bitop.

⁸Ju ma riek i adundegi bijolo lembang’ola; Ento ng’atu ma jakasegu ku dendhoge bipodho.

⁹Ng’atu ma wotho atira wotho ma cwinye kwio; Ento ng’atu ma kier i yo pare bing’eire.

¹⁰Ng’atu ma mio wang’ kelo can; Ento jakasegu ma ku dendhok bipodho.

¹¹Ng’atu ma pwe en e kulo mi kwo; Ento rop umo dhu jadubo.

¹²Adegi tugo rop; Ento mer umo kier ceke.

¹³Junwang’u rieko i dendhu ng’atu ma riu; Ento dul en e mi ng’ei ng’atu ma ng’eyothelembe mbe kude.

¹⁴Dhanu ma riek kanu ng’eyong’ec; Ento dhu ng’atu ma jakasegu en e nyoth ma kawono.

¹⁵Piny pa ng’atu m’ulony en e adhura pare ma tek: Nyoth mi jucan en e canpiny migi.

¹⁶Tic mi muli pa won bedopwe kelo kwo; Kuloka pa jadubo kelo dubo.

¹⁷Ng’atu ma ketho cwinye kum ponji nwang’u eni i yo mi kwo; Ento ng’atu ma kwero juk ekier.

¹⁸Ng’atu ma kanu adegi en e mi dendhok mi ndra: Man ng’atu ma yero nying’ en e jakasegu.

¹⁹Kier bedo mbe ngo i kind udul lembe; Ento ng’atu m’ucero dendhoge nwang’u etimo ku rieko.

²⁰Leb ng’atu ma pwe en e calu mola ma tar ma jufoyo: Adunde jadubo pire tek ungo.

²¹Dendhu ju ma pwe mio cemo ni dhanu dupa; Ento ju ma kitgi mbe tho kum ng’eyothelembe m’umbe.

²²Mugisa pa Yehova, elonyo jo; Man emedo can moko ngo i kume.

²³Timo dubo en e tuko ni jakasegu; Man rieko bedo kumeno ni won ng’eyothelembe.

²⁴Lworo pa jadubo, ebiwok i wie; Man yeny ma ju ma pwe yenyo bimire.

²⁵Kinde ma vira kadhu, judubo bedo umbe kendo; Ento ju ma pwe en e thepiny mi nja.

²⁶Calu pi ma wac ni lak, man calu yiro ni wang’, Janyap ubedo kumeno ni ju m’uore.

²⁷Lworo Yehova medo nindo; Ento rundi mi judubo bijwik.

²⁸Genogen mi ju ma pwe bibedo mutoro; Ento genogen mi judubo birwinyo.

²⁹Yo pa Yehova en e ot ma tek ni ju m’atira; Ento en e nyoth ni jutim kier.

³⁰Jubidaku ju ma pwe ki ngo; Ento judubo bibedo i ng’om ungo.

³¹Dhu ju ma pwe kelo rieko; Ento leb ma kite mbe jubikabu woko.

³²Dendhu ju ma pwe ng’eyo gin ma yire; Ento dhu judubo weco lembe ma kite mbe.