Read Alur Lembrieko 29 Bible Online

Lembrieko 29 - Alur bible

Lembrieko 29

¹Ng’atu ma jujuke wang’ udul man edwoko ng’ute tek Ebinyothre pio, man umbe both.

²Kinde ma dhanu ma pwe nyai, anyong’a nego dhanu; Ento kinde ma jadubo bimo, dhanu gamu cwinygi.

³Ng’atu ma tek umaru rieko enyayu mutoro i won; Ento ng’atu m’ung’io ku weg asara nyotho piny pare.

⁴Ubimo ketho ng’om cungo ni kum pokolembe; Ento ng’atu ma gamu giramia ku kuvuga eng’ielo ng’om.

⁵Ng’atu ma paku jadhugola pare mananu Nwang’u eciko voi ni dakutielo pare.

⁶Uwic nuti i kier pa ng’atu ma rac; Ento ng’atu ma pwe wero wer man anyong’a nege.

⁷Won bedopwe ng’eyo lembe pa jacan; Jadubo ng’eyothelembe mbe kude kara eng’eye.

⁸Jucac cwiny o adhura; Ento jurieko loko kwinyo cen.

⁹Tek ng’atu ma riek ubedo ku lembe ku ng’atu ma kite mbe, Tek ng’ecwiny unege kadi ng’iero, bedoyo bibedo mbe.

¹⁰Ng’atu ma rieu rimo nege edagu ng’atu ma cu; Man ng’atu m’atira, giyenyo kwo pare.

¹¹Jakasegu weco ku ng’ecwiny pare ceke; Ento ng’atu ma riek cere man ekwio wie.

¹²Tek jabim uwinjo lemndra, Nwang’u jutic pare ceke gi judubo.

¹³Jacan ku jasend girombo karacelo; Yehova lero wang’gi gin ario de.

¹⁴Ubimo m’upoko lembe mi jucan cu, Komker pare bicungo mi nja.

¹⁵Ukede man juk mio rieko; Ento nyathin ma juweke gire nyayu lewic wi min.

¹⁶Tek judubo nyai, kier de nyai; Ento ju ma pwe bineno wi podho migi.

¹⁷Ponj wodi, e ebimio iri yom; Eyo, ebinyayu anyong’a i ng’eyong’ec peri.

¹⁸Ka ma lembe nyuthre ngo i ie, dhanu weko gwokri; Ento ng’atu ma woro cik, en e jamutoro.

¹⁹Jucopo ponjo jatic ungo ku lembe; Kum kadok eng’eyo, de ebiketho cwinye i kume ngo.

²⁰Ineno dhanu ma vur vur i lembe pare? Genogen ma kum jakasegu sagu pare.

²¹Ng’atu m’utungo jatic pare yo ugambre m’e nyathin Biketho edoko ni wode ma cen.

²²Ng’atu ma jang’ecwiny enyayu rop, Man ng’atu ma jakwinyo sagre i kier.

²³Kuhaya mi dhanu bijwige; Ento ng’atu ma cwinye mol binwang’u yung.

²⁴Ng’atu ma cwinye ripo ku jakwo nwang’u edagu ng’eyong’ec pare gire; Ewinjo kwong’ man eweco lem moko ngo.

²⁵Lworo mi dhanu kelo uwic; Ento ng’atu m’uketho genogen pare kum Yehova bibedo museme.

²⁶Dhanu dupa yenyo bero pa jabim; Ento pokolembe mi dhanu ai ba Yehova.

²⁷Ng’atu ma pwe ngo en e ginmajudagu ni ng’atu ma pwe, Man ng’atu m’atira i yo en e ginmajudagu ni jadubo.