Read Alur Lembrieko 30 Bible Online

Lembrieko 30 - Alur bible

Lembrieko 30

¹Lembe pa Agur ma wod Yake. Ng’atu moko yero ni Ithiel, ni Ithiel kud Ukal kumae:

²Andha an a calu yedi m’usagu jumange, Man ng’eyothelembe mi dhanu mbe kuda;

³Man fodi aponjo rieko ngo, Kara abed ku ng’eyong’ec pa Ng’atu Maleng’.

⁴Ng’a m’uidho malu i polo, man eloro? Ng’a ma coko yamu i cinge? Ng’a ma twio pi i kendi pare? Ng’a ma ketho tung’ ng’om ceke cungo? Nyinge ng’a, man nying wode ng’a, tek ing’eyo?

⁵Lembe pa Mungu leng’ kubang’e kubang’e: En e ban ni ju m’upondo i bang’e.

⁶Kud imed wi lembe pare, Emaru juki, man junweng’i jandra.

⁷Akwayu lembe ario i beng’i; Kud itwona ko ma fok’atho ngo:

⁸Cor abombi ku ndra bor i kuma; Kud imi ira canpiny kadi lonyo; Mi ira cemo m’uromo kuda:

⁹Amaru yeng’, man akweri, awac de kumae, Yehova en e ng’a? Kadijamaru bedo jacan, man akwal kwo, Man amaru cido nying’ Mungu para.

¹⁰Kud iyer nying’ jatic ni jadit pare, Emaru lemi, man lembe bed i wii.

¹¹Dhanum’utuk moko nuti ma lamu weggi, Man ma mio mugisa ngo ni meggi.

¹²Dhanum’utuk moko nuti ma bedo leng’ i wang’gi gigi, Man fodi gibedo alwoka ni cilo migi ngo.

¹³Dhanum’utuk moko nuti, ma wang’gi ni malu mire! Man biendwang’gi tingre malu.

¹⁴Dhanum’utuk moko nuti ma lakgi calu palamularu, man pom migi calu pala, Kara ucam jucan kud i ng’om, man jucanpiny ku kind dhanu.

¹⁵Munganga mi riuni moko nuti m’ubedo ku nyige ario, ma giywak i bang’e kumae, Mi, mi. Piny adek nuti ma yeng’ ki ngo, Eyo, ang’wen ma wacu kumae ngo, Eromo:

¹⁶Liel; man ic ma mugumba; Ng’om ma pi pong’o ngo; Man mac ma wacu ngo kumae, Eromo.

¹⁷Wang’ ma ng’iero won, Man ma cayu woro min, Upa m’i poga bifudhe, Man nyithindh acur bicame.

¹⁸Piny adek nuti ma wang’uic ira ma sagu, Eyo, ang’wen m’ang’eyo ngo

¹⁹Yo mir acur i lietho; Yo mi thwol wi cana; Yo mi combo i die nam; Man yo pa nico ku nyaku.

²⁰Yo pa dhaku ma won dubri swa de kumeno; Ecamu, eyweyo dhoge de, Man ewacu kumae, Atimo dubo moko ngo.

²¹Ng’om yengre ni kum lembe adek, Man ni kum lembe ang’wen m’ecopo ciro ngo:

²²Ni kum jatic kinde ma en e ubimo; Man jakasegu kinde m’eyeng’ ku cemo;

²³Ni kum nyaku ma judagu kinde m’ecidho i ode; Man bong’ ma camu piny pa mege pagi.

²⁴Piny ang’wen nuti ma gi thindho i ng’om, Ento gi riek apila:

²⁵Ukok gi dhanu ma tek ungo, Ento gicoko cemo migi i nindo mi ceng’;

²⁶Uduka gi dhanu ma ng’ic, Ento gitimo udi migi i cana;

²⁷Bonyo ubimo migi mbe Ento giwok woko kagi ceke ni udul;

²⁸Ragwec maku ku cinge, Ento eni i udi mir ubimo.

²⁹Piny adek nuti ma gi ber i woth migi, Eyo, ang’wen ma gi ber i woth:

³⁰Umvor, ma tek ma sagu i kind yedi, Man ma lokre woko ngo ni gin moko;

³¹Gwok ma ume bith mi ng’wio piny; nyog diel bende; Man ubimo ma jujai ire ngo.

³²Tek itimo swa m’itingri ko giri, Kadi tek ipido lem ma rac, Keth cingi wi dhogi.

³³Kum yengo cak kelo mo, Man bio um wodho rimo; Mino kwinyo wodho dhau kumeca.