Read Alur Eklizia 10 Bible Online

Eklizia 10 - Alur bible

Eklizia 10

¹Ulwang’ni m’utho ketho ng’wic mo pa jabodho duny rac; lem ma kite mbe ma nyanok de sagu rieko ku yung de kumeni ku pekne.

²Adunde jarieko ni yo ku cinge ma yor acwic; ento adunde jakasegu ni yo ku cinge ma yor acam.

³Eyo man ke, tek jakasegu wotho i yo, ng’eyothelembe pare rem ire, man ewacu ni dhanu ceke kubang’gi kubang’gi nia en e jakasegu.

⁴Tek cwiny jabim unyemo i kumi, kud iwek kakeri; kum bedoyo kwio wi dubo ma dit.

⁵Gin ma rac nuti m’aneno the ceng’, calu en e kier m’uai ba jabim:

⁶lem ma kite mbe juketho i ka ma dit, man julonyo bedo i ka ma piny.

⁷Aneno jutic wi riuni, man wot ubimo giwotho ku tiendgi calu jutic wi ng’om.

⁸Ng’atu m’ukunyo vur ebipodho i ie; man ng’atu ma tek urwombo gang’kidi, thwol bitong’e.

⁹Man ng’atu ma tek upayu kidi kidine bitime rac; man ng’atu ma kaku yen eboth abotha kum yende.

¹⁰Tek lak umbu dhil, man ng’atu moko paku lake ngo, e ekoetime ma tek m’usagu be: ento rieko kulokane nuti mi nyutho lembe.

¹¹Tek thwol utong’o jo ma fodi jukurambe ngo, e dong’ kuloka ma bang’ ajoga bedo umbe.

¹²Lembe mi jurieko en e mi bero; ento dhu jakasegu bimwonjre gire.

¹³Thekri mi lembe mi dhoge en e lembe ma kite mbe; man kajik mi wec pare en e abelu ma rac.

¹⁴Jakasegu bende medo lembe: ento dhanu ng’eyo ngo gin ma bibedo; man maeno ma bibedo nuti yo ng’eye, ng’a ma copo yero ire?

¹⁵Tic mi muli mi jukusegu ologi ceke kubang’gi kubang’gi; kum eng’eyo ngo maram ecidh ko i adhura.

¹⁶Can i wii, E ng’om, kinde m’ubimo peri en e nyathin, man judongomawijo peri gicamu kugweno!

¹⁷In i jamugisa, E ng’om, kinde m’ubimo peri en e wod weg yung, man judongomawijo peri gicamu i nindo ma kakare, mi tego, man mi merkong’o ngo!

¹⁸Ni kum nyap wi ot mwony; man ni kum galu mi cing’ ot cwir.

¹⁹Jutimo agba mi ng’iero, man pigulok nyayu mutoro i kwo; man sente en e lokolembe mi gin ceke.

²⁰Kud icai ubimo, ungo, kadok ku pidoi; man kud icai julonyo i kusika mi vuto peri; kum winyo ma kor polo biting’o dwal, man gin ma ju bombe biyero lembene.