Read Alur Eklizia 11 Bible Online

Eklizia 11 - Alur bible

Eklizia 11

¹Bol kwen peri wi pi, kum ibinwang’e yo ng’ei nindo dupa.

²Pok makapiny wang’ abiro, eyo, kadok abora; kum ing’eyo ngo gin ma rac ma biwok i ng’om.

³Tek afuru pong’ ku koth, gikonjri gigi i ng’om; man tek yen upodho yor ariwa ma piny, kadi yor ariwa ma malu, i ka ma yen podho i ie, ebibedo keca.

⁴Ng’atu m’uneno yamu ebicoyo ngo; man ng’atu m’uneno afuru bikayu ngo.

⁵Calu ing’eyo yo mi yamu ngo, kadi maram cogo dongo ko i ng’atu ma ie nuti; e kumeno ing’eyo ngo tic pa Mungu m’etimo ceke.

⁶Kugweno coi kodhi peri, man uthieno kud icer cingi; kum ing’eyo ngo gin ma bibedo miero, tek maeni kadi maeno, kadi tek gin ario gibibedo ber rom rom.

⁷Andha der ber, man neno ceng’ en e gin ma ber ni wang’.

⁸Eyo, tek dhanu camu ng’om rundi dupa, wek anyong’a nege i igi ceke; ento wek epoi kum nindo mi mudho, kum gibibedo dupa. Gin ceke ma bino en e gin ma ie nanu.

⁹Anyong’a negi, E jalawobi, i aradu peri, man wek adundeni nyai anyong’a ii i nindo mir awobi peri, man iwoth i yo mir adundeni, man i nenopiny mi weng’i; ento ing’ei, nia Mungu biboli i pokolembe pi gin maeni ceke.

¹⁰Ka kumeno kab can kud i adundeni, man icor lem ma rac cen kud i kumi; kum aradu ku rupiny mi kwo bende en e gin ma ie nanu.