Read Alur Eklizia 12 Bible Online

Eklizia 12 - Alur bible

Eklizia 12

¹Poi bende kum Jacwic peri i nindo mir aradu peri, ma fodi nindo ma rac kuwok ungo, man rundi dhingo ngo, kinde m’ibiwacu ie kumae, Anyong’a nega ngo kudo;

²ma fodi ceng’, ku der, ku dwi, man cero, kncido ngo, man afuru dwogo yo ng’ei koth;

³I nindo ma jugwok ot kumgi bimiel, man dhanu ma jutego birum gigi, man jureg rego biweko kum gi lam, man piny bicido ni ju m’uneno woko ku wang’ot.

⁴Man dhugola bibedo acika i gengi; kinde ma badwal mi rego bijik, man dhanu biai ku ba dwand winyo, man nyig badwal ceke jubijwigo;

⁵eyo, lworo binegogi kum gin ma ni malu, man ndiri bibedo i yo; man yau bithiwo, bonyo de bibedo pek, man avapiny bijwik; kum dhanu cidho i kaka m’ebibedo i ie nja, man juywak gilal i gengi;

⁶ma fodi thondh mola ma tar kucot ungo, kadi tabu mi mola ma kwar kung’eny ungo, kadi cupa de kutur ungo dhu vur, kadi ukobre kutur ungo i pi m’atong’a,

⁷man utur udok ba ng’om calu ekoebedo, man tipo dok ba Mungu m’umie.

⁸Gin ma ie nanu gin ma ie nanu, Jayerlembe wacu; gin ceke gin ma ie nanu.

⁹Man kendo, kum Jayerlembe riek, eponjo dhanu asu ku ng’eyong’ec; eyo, ie pido, man eyenyo, man ethelo lembrieko dupa.

¹⁰Jayerlembe ponjo nwang’u lembe ma nyayu mutoro, man gin ma jugoro atira, en e lembe mi lemandha.

¹¹Lembe mi jurieko calu dindo; man lembe mi judongo mi cokri calu musumali ma juguro ma tek, m’uai ku ba jakwac acel.

¹²Man kendo, woda, jukri: timo kitabu dupa kajikne mbe; man somo hai mero kum.

¹³Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

¹⁴Kum Mungu bikelo kwai tic ceke i titi, ku gin m’ubedo amung’a ceke kubang’e kubang’e, tek ebedo ber, kadi tek ebedo rac.