Read Alur Eklizia 9 Bible Online

Eklizia 9 - Alur bible

Eklizia 9

¹Aketho adundena kum gin maeni ceke, ndhu kara anwang’ gin maeni ceke: nia ju ma pwe, ku jurieko, man tic migi, ni i cing’ Mungu; tek ebedo mer kadi adegi, dhanu ng’eye ngo; ceke ni i wang’gi.

²Gin ceke wok kum dhanu ceke cal acel: lembe acel wok kum ng’atu ma pwe man kum jadubo; kum ng’atu ma ber man kum ng’atu ma leng’ man kum ng’atu m’ucido: ni ng’atu ma thiero lam man kum ng’atu ma thiero lam ungo; calu ng’atu ma ber bedo, e jadubo bedo kumeca; man ng’atu ma kwong’o kwong’, calu ng’atu ma lworo kwong’.

³Maeni en e gin ma rac i gin ceke m’utimbre the ceng’, nia lembe acel wok kum dhanu ceke: eyo bende, adunde wot dhanu pong’ ku lembe ma rac, man abelu ni i adundegi kinde ma gibedo kwo, man yo ng’ei maeni gicidho ba ju m’utho.

⁴Kum genogen nuti ni ng’atu m’uribre karacelo ku ju ma kwo ceke; kum gwok ma kwo e ber ma sagu umvor m’utho.

⁵Kum ju ma kwo ging’eyo nia gibitho: ento ju m’utho ging’eyo gin moko ngo, kadok sukulia de gibedo kudo kendo ngo; kum wijo wil kum poi ma pigi.

⁶Mer migi, calu adegi migi ku kumira migi, erwinyo con; kadok makapiny de gibedo ko kendo ngo i lembe moko m’utimbre the ceng’.

⁷Cidh i yo peri, cam kwen peri ku mutoro, man madh pigulok peri kud adunde mi mutoro; kum Mungu daru jolo tic peri.

⁸Wek kendi peri bed tar thiri thiri; man mo kud urem ni wii.

⁹Bed ku mutoro ku dhaku peri m’imaru i nindo ceke mi kwo peri ma ie nanu, m’emio iri the ceng’, i nindo peri ceke ma ie nanu: kum maeno en e makapiny peri i kwo, man i tic mi muli peri m’isendri i ie the ceng’.

¹⁰Gin ma tek cingi nwang’u mir atima, time ku tegoni; kum tic moko mbe, kadi bodho, kadi ng’eyong’ec, kadi rieko, i liel, m’icidho i ie.

¹¹Adwogo, man aneno the ceng’, nia jung’wec sagu gin ungo i kwaya, kadi i lwiny de jutego sagu gin ungo, kadok kwen de jurieko nwang’u gin ungo, kadi lonyo de weg ng’eyothelembe nwang’u gin ungo, kadi bero de jubodho nwang’u gin ungo; ku ba dhanu ceke ng’atuman bedo ku nindo pare man gagi ma podho ire.

¹²Kum dhanu bende ng’eyo nindo pare ngo: calu rec ma jumaku i voi ma rac, man calu winyo ma jumaku i uwic, e jumaku wot dhanu de kumeca kud uwic i nindo ma rac, kinde m’epodho i wigi mbwang’.

¹³Aneno rieko bende kumeni the ceng’, man enen ira nia e dit:

¹⁴Adhura moko ma nok nuti, man dhanu ma ni i ie gi lam; man ubimo ma dit ubino ku lwiny i kume, man etieke kud ali, man egomo jambali ma tek i kume.

¹⁵Nwang’u jacan ma jarieko ni i adhurane, man ebodho adhurane ku rieko pare; ento ng’atu moko mbe m’uparu pi jacanne.

¹⁶Alund awacu kumae, Rieko e ber ma sagu tego: ento rieko pa jacan jucayu, man lembe pare winjre ngo.

¹⁷Lembe mi jurieko ma winjre yo e ber ma sagu kok pa ng’atu m’ubimo i kind jukusegu.

¹⁸Rieko e ber sagu jambali; ento jadubo acel nyotho gin ma ber dupa.