Read Alur Wer Pa Suleman 2 Bible Online

Wer Pa Suleman 2 - Alur bible

Wer Pa Suleman 2

¹An a thiuboko mi Caron, Kura m’i poga.

²Calu kura i kind ukudho, Jamerna bedo kumeno i kind nyir.

³Calu yendulam i kind yen m’i luli, Jamerna bedo kumeno i kind nyithindho ma co. Abedo piny the tipone kud anyong’a ma dit, Man nyinge mit i dhoga.

⁴Ekela i ot mir agba, Man abera pare i wia en e mer.

⁵Wudwoka tek ku nyingulok m’uthwo, dwok cwinya kud ulam; Kum mer umaka ku kuma.

⁶Cinge ma yor acam ni the wia, Man cinge ma yor acwic ugwaka.

⁷Akwong’owu, E nyir mi Yerusalem, Ku vong’ ruda, kadi ku vong’ thil m’i thim, Nia kud wugud piny, kadi kud wuceu jamerna, Maram ebed ko ber ire.

⁸Dwand jamerna mire! nen, ebino, M’ebepiei kum gudi, M’ebepor wi ungulu gudi.

⁹Jamerna calu vong’ ruda kadi thwon thil m’aradu: Nen, ecungo ng’ei gang’kidi mwa; Eneno yor i ot ku wang’ot; Eneno ku dhu bau ma wang’ot.

¹⁰Jamerna yero, man ewacu ira kumae, Ai malu, jamerna, ng’atu ma kume leng’ para, man wacidh cen.

¹¹Kum, nen, nindo mi koyo kadhu; Koth uthum man ecidho;

¹²Thiuboko wok wi ng’om; Nindo mi wer mi winyo wok, Man dwand nyathuk uwinjre i ng’om mwa;

¹³Yendubolo bogo nyinge m’aluthru. Man yendulok uthiwo; Giwodho ng’wicgi ma ng’ar. Ai, jamerna, ng’atu ma kume leng’ para, wacidhi.

¹⁴E akuru para, m’ini i um cana, I kapondo mi ka ma lung’, Wek anen weng’i, Wek awinj dwendi; Kum dwendi mit, man weng’i leng’.

¹⁵Gam iwa urudi, nyithindh urudi, M’unyotho podho mir ulok; Kum podho mir ulok mwa thiwo.

¹⁶Jamerna e para, man an a pare: Ekwayu udul rombe pare i kind kura.

¹⁷Maram ceng’ udoko ko ng’ic, man tipopiny urwinyo, Lokri, jamerna, man ibed calu vong’ ruda kadi thwon thil ma aradu Wi gudi mi Bether.