Read Alur Wer Pa Suleman 3 Bible Online

Wer Pa Suleman 3 - Alur bible

Wer Pa Suleman 3

¹Ayenyo ng’atu ma ng’eyong’ec para maru Ku diewor wi kavuto para: Ayenye, ento anwang’e ngo.

²Awacu kumae, Abiai kawono, man abiwotho kind adhura; I gengi man i yo ma lac Abiyenyo ng’atu ma ia maru: Ayenye, ento anwang’e ngo.

³Jukipiny m’uwotho kind adhura ginwang’a; M’awacu igi kumae, Ineno ng’atu ma ia maru?

⁴Akadhu kud i bang’gi i kinde ma nyathigi, E anwang’u ng’atu ma ia maru: Amake, man akwere kud ecidhi, Maram akele ko i ot pa ma, Man i kusika pa ng’atu m’ugamu ic m’enyola ko.

⁵Akwong’owu, E nyig Yerusalem, Ku vong’ ruda, kadi ku vong’ thil m’i thim, Kara kud wugud piny, kadi kud wuceu jamerna, Maram ebed ko ber ire. Woth pa Won Ambadha

⁶Maeni ng’a m’uai kud i langa Calu mbegi mi yiro, Ma juketho udok ma ng’wice ng’ar ku mo ma ng’wice ng’ar i kume, Ku mugeju ceke pa jakuloka?

⁷Nen, en e kipoi pa Suleman; Dhanu ma ratego pier abusiel gitieke gbur, Kind dhanu ma ratego mir Israel.

⁸Kagi ceke gimaku palamularu, man gi riek i lwiny: Ku ba dhanu ceke ng’atuman palamularu pare ni wi bambe, Kum lworo ma ku diewor.

⁹Ubimo ma Suleman utimo magali ire gire, Ku yen mi Lebanon.

¹⁰Etimo mbegine ku mola ma tar, There mi mola ma kwar, kabedone uluga, Jufuyo kinde ku mer, Uai ba nyig Yerusalem.

¹¹Wuwok woko, E wu nyig Sayuni, man wunen ubimo ma Suleman, Ku jamkermiwic ma min uruke ko, I ceng’ mi nyom pare, Man i ceng’ mi mutoro mir adundene.