Read Alur Wer Pa Suleman 6 Bible Online

Wer Pa Suleman 6 - Alur bible

Wer Pa Suleman 6

¹Jamerni cidho kani, E in ma kumi leng’ i kind moni? Jamerni lokre kani, Kara wayenye karacelo kudi?

²Jamerna loro piny i podho pare, Ba thuthu mi yath ma jwa jwa, Kara ecam i podhone, man ecokkura.

³An a pa jamerna, man jamerna e para: Ekwayu udul pare kind kura.

⁴Kumi leng’, E jamerna, calu Tirza, Won bero calu Yerusalem, Jang’oindiri calu njuru asikari kud abera.

⁵Lok weng’i cen kud i kuma, Kum gisaga. Yukwii calu udul diegi, M’uvuto ng’et Gilead.

⁶Leki calu udul mege rombe, M’uai ba jom; Ma kubang’gi kubang’gi gi weg rut; Man ng’atu moko mbe i kindgi ma nyithindhe tho.

⁷Thengi calu ng’et ulemo Yo ng’ei bongu mi weng’i.

⁸Ubimo ma mon nuti pier abusiel, man mon m’araga pier abora, Man nyir ma ng’won welgi mbe.

⁹Akuru para, ng’atu ma ndhu cu para, en e acel kende; E kende pa min; En e ng’atu m’usagu pa ng’atu m’unyole. Nyir ginene, man gilwong’e jamugisa; Eyo, ubimo ma mon ku mon m’araga, gipake.

¹⁰En e ng’a m’uneno piny calu kugweno, Ber calu dwi, Leng’ calu ceng’, Jang’oindiri calu njuru asikari kud abera?

¹¹Aloro piny i podho mi nying’ yen ma tek, Kara anen girapidha ma numu i poga, Kara anen tek ulok ukudo, Man tek ulemo thiwo.

¹²Ma fodi ang’eyo ngo, ng’eyong’ec para ketha I kind magali mi dhanu ma judongomawijo para.

¹³Dwogi, dwogi, E Jaculami; Dwogi, dwogi, kara wanen wii. Nedi wuneno wi Jaculami, Calu wi miel pa Mahanaimi?