Read Alur Wer Pa Suleman 8 Bible Online

Wer Pa Suleman 8 - Alur bible

Wer Pa Suleman 8

¹A tek in i calu umira mire, M’udhodho thuno ma! Kinde m’anweng’i yo woko, kuno di acwio limbi: Eyo, man kuno di ng’atu moko mbe m’ucaya.

²Kuno di apei, man ateri i ot pa ma, Kuno di ma ponja; Kuno di aketho imadh kum pigulok ma ie ju yath ma jwa jwa, Kum pi mir ulemo para.

³Kuno di cinge ma yor acam ubedo the wia, Man cinge ma yor acwic ugwaka.

⁴Akwong’owu, E nyig Yerusalem, Kara kud wugud piny, kadi kud wuceu jamerna, Maram eyeny ko en.

⁵Maeni ng’a m’uai malu kud i langa, M’ujengre kum jameme? Acewi the yendulam: Kuca meru sendre kudi, Kuca esendre m’ewodhi ko woko.

⁶Ketha calu ayi piny wi adundeni, Calu ayi piny wi boti: Kum mer tek calu tho; Nyeko mbe ku kisa calu liel; Bieine calu lebmac, Lebmac pa Yehova.

⁷Pi dupa copo nego mer ungo, Kadok pi m’ucore de copo mwonye ngo: Tek ng’atu moko mio piny ceke m’i ot pare pi mer, Kuno di jucaye ma gwei.

⁸Wabedo ku nyamegwa ma nok, Man thunone mbe: Wabitimo ang’o pi nyamegwa I nindo ma jubilwong’e i ie?

⁹Tek ebedo gang’kidi, Wabigomo otkur mi mola ma tar i wie; Man tek ebedo dhugola, Wabiume ku bau mi musonge.

¹⁰An a gang’kidi, man thunona calu otkurne: Alund abedo i wang’e calu ng’atu m’unwang’u kwiocwiny.

¹¹Suleman ubedo ku podho mir ulok i Bal-hamon; Eketho podho mir ulokne ba jukur; Ku ba dhanu ceke ng’atuman kelo mola ma tar rubanga pi nying’ podhone.

¹²Podho mir ulok para, ma en e para, eni i wang’a: In, E Suleman, ibibedo ku rubanga, Man ju m’ugwoko nyinge bibedo ku dak ario.

¹³In m’ibedo i podho, Juwedu ciko ithgi kara giwinj dwendi: Keth awinje.

¹⁴Tim pio, jamerna, Man ibed calu ruda kadi nyathi thwon thil Wi gudi mi yath ma jwa jwa.