Read Alur Isaya 12 Bible Online

Isaya 12 - Alur bible

Isaya 12

¹Man i ceng’ maeca ibiwacu kumae, Abifoi, E Yehova; kum kadok naka ng’ecwiny negi i kuma, ng’ecwiny peri lokre cen, man ijuka.

²Nen, Mungu en e both para; abigeno, man lworo binega ngo: kum Yehova, en e Yehova, en e tegona ku werna; man edoko ni both para.

³Ka kumeno wubitwomo pi kud i kulo m’atong’a mi both ku mutoro.

⁴Man i ceng’ maeca wubiwacu kumae, Wufoi Yehova, man wulwong’ nyinge, wuyer pi giratima pare i kind kodhidhanu, wuwac nia nyinge dodre.

⁵Wuwer ni Yehova; kum etimo gin ma ber hai: wek maeni ng’eire i ng’om ngung’.

⁶Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.