Read Alur Isaya 23 Bible Online

Isaya 23 - Alur bible

Isaya 23

¹Ewolembe ma pi Turo. Wugoi nduru, wu combo mi Tarcic; kum judwoke ni uvuru, ketho nia ot umbe, mondo mbe: kud i ng’om Kitim enyuthre igi.

²Wubed ling’, wu ju m’ubedo dhu nam, in ma jukuloka mi Sidon, m’ukadhu ku wi nam, gipong’i.

³Man kodhi mi Cihor ma ni wi pi ma dit, mwoka ini Nil, en e giralima pare; man en e katali mi thek.

⁴Lewic unegi, E Sidon; kum nam uweco, ka ma tek mi nam, uwacu kumae, Remokum umbe kuda, kadi anyol ungo, kadi awo’oi de atungo ngo, kadi nyir de atungo ngo.

⁵Kinde ma rwonglembe wok i Misiri, can binegogi dit kum rwonglembe mi Turo.

⁶Wukadh lokacaba Tarcic; wugoi nduru, wu ju m’ubedo dhu wath.

⁷Maeni adhura mu mi mutoro, ma bedo pare ma con en e mi nindo ma con, ma tiende tere bor ni umondo?

⁸Nga’ m’ukeco maeni kum Turo, ma jami jamkermiwic, ma jukulokane gi judongomawijo, ma jukuloka pare gi weg yung m’i ng’omi?

⁹Yehova mir udul ukeco maeni, kara ucid kuhaya mi dwong’ ceke, kara ukel weg yung m’i ng’om ceke i cac.

¹⁰Kadh kud i ng’om peri calu Nil, E Nyatarcic; gin m’ucero mbe kendo.

¹¹Erieyo cinge wi nam, eyengo ker: Yehova mio lembang’ola pi Kanan, kara unyoth ka ma tekne.

¹²Man ewacu kumae, Anyong’a binegi kendo ngo, E in i Nyasidoni ma sumba ma jusendo: ai, kadh lokaca ba Kitim; cil kuca ibibedo ku yom ungo.

¹³Nen, ng’om mi Jukasidi: dhanu maeni mbe kendo; Jaascuri ukethe ni yedi mi langa; giting’o odkur migi malu; giredho udi mi kerne: gidwoke ni uvuru.

¹⁴Wugoi nduru, wu combo mi Tarcic; kum ka ma tek mu judwoko ni uvuru.

¹⁵Man ebitimbre i ceng’ maeca, nia wijo biwil kum Turo rundi pier abiro, calku nindo p’ubimo acel: yo ng’ei rundi pier abiro Turo biwero calu won asara.

¹⁶Gam adungu, lwor adhura, in i won asara ma wijo wil piri; tim badwal ma mit, wer wer dupa, kara jupoi piri.

¹⁷Man ebitimbre yo ng’ei rundi pier abiro, nia Yehova biliewo Turo, e ebidwogo ba sukulia pare, man ebitimo tarwang’ ku ker ceke m’i ng’om wi wang’ ng’om.

¹⁸Man kuloka pare ku sukulia pare bibedo leng’ ni Yehova: jubigwoke ngo kadi jubikane de ngo: kum kuloka pare bibedo ni ju m’ubedo i wang’ Yehova, kara gicam m’uromo, man mi kendi ma nindo.