Read Alur Isaya 25 Bible Online

Isaya 25 - Alur bible

Isaya 25

¹Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

²Kum idwoko adhura ni udhuru, man adhura ma tek ni susu, ot ma ber mi juwirok ubedo ni adhura ngo; jubigome kendo ki ngo.

³Ka kumeno dhanu ma tek biyungi; adhura mi thek mi ndiri bilwori

⁴Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

⁵Ibijwigo badwand juwirok piny calu lietho i ka m’uthwo calu lietho ni kum tipopiny mir afuru, jubijwigo wer mi jundiri piny.

⁶Man Yehova mir udul bitimo agba mi gin ma mio ni kodhidhanu ceke wi got maeni, agba mi pigulok wi thing’, mi gin ma mio pong’ ku mio mi cogo, mi pigulok wi thing’ ma judwoko leng’.

⁷Man ebinyotho wang’ girauma m’uumo kodhidhanu ceke wi got maeni, ku bongu m’auma ma jupedho wi thek ceke.

⁸Emwonyo tho mi nja; e Rwoth Yehova biyweyo piwang’ kud i wang’ ceke; man ebikabu cac mi dhanu pare woko kud i ng’om ngung’: kum Yehova yero maeni.

⁹E jubiwacu i ceng’ maeca kumae, Nen, maeni Mungu mwa; wakure, e ebibodhowa: maeni Yehova; wakure, anyong’a ku mutoro binegowa i both pare.

¹⁰Kum cing’ Yehova biyom i got maeni; man jubinyono Moab piny i kakare, cil calu junyono soka i pi mir udhuru mi weyo.

¹¹E ebirieyo cinge i diere, calu ng’atu ma kwang’ rieyo cinge kara ekwang’; ento Yehova bijwigo kuhaya pare piny karacelo ku bodho mi cinge.

¹²Man ebirwombo ot ma tek mi gang’kidi peri piny, apedha piny, aredha de i ng’om, cil i utur.