Read Alur Isaya 27 Bible Online

Isaya 27 - Alur bible

Isaya 27

¹I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

²I ceng’ maeca: Podho mir ulok mi pigulok, wuwer i bang’e.

³An a Yehova an a jagwokne; abikwoyc? pi i wie ku ba kind nindo: abigwoke diewor ku dieceng’, kara gin moko kud utime rac.

⁴Kwinyo mbe i ia: dok ucok kud ukudho gini f kuma i Jwiny! kuno di awotho i wigi, kuno di awang’ugi karacelo.

⁵Tek kumeno ngo wek emak tego para, kara watim kwiocwiny wakude; eyo, wek wacim kwiocwiny wakude.

⁶I nindo ma bibino Yakobo biguro ulage; Israel bithiwo man ebikudo; e gibipong’o wang’ ng’om ku nying’gi.

⁷Egoyogi calu egoyo ju m’ugoyogi? kadi junegogi calku nek mi ju ma junego i kumgi?

⁸I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

⁹Ka kumeno ku maeni kier pa Yakobo biwekre woko, man maeni en e nying’ ceke mi kabu dubo pare cen: nia edwoko kidi ceke mi pemblam calu kidi mi nunu ma juturo, ketho nia mungu m’araga kud ayi gin m’acwia mi ceng’ biai kendo ngo.

¹⁰Kum adhura ma tek ubedo kende, kabedo ma juweko ma jukuno de, calu langa: nyathi dhiang’ bicamu keca, man ebivuto piny keca, e ebicamu jange.

¹¹Kinde ma jange ner, jubiturogi; mon bibino, man gibicwinyogi ku mac; kum en e dhanu ma ng’eyong’ec umbe kugi: ka kumeno ng’atu m’ucwiogi ngisi binege ngo i kumgi, man ng’atu m’ucwiogi binyutho igi bero ngo.

¹²Man ebitimbre i ceng’ maeca, nia Yehova biteng’o nyinge ugambre i cori mi Kulo, cil kum kulo mi Misiri; e jubicokowu acel acel, E wu nyithindho mir Israel.

¹³Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.