Read Alur Isaya 49 Bible Online

Isaya 49 - Alur bible

Isaya 49

¹Wuwinja, E cula; man wucik ithwu, wu kodhidhanu, ku bor: Yehova goyo wia kud i ic; elwong’o nyinga kud i ma:

²man etimo dhoga calu palamularu ma bith; epana i tipo m’i cinge: man etima ni athero m’aruda; egwoka ki i tubu pare:

³man ewacu ira kumae, In i jatic para; Israel, m’abinwang’u dwong’ ni kumi.

⁴Ento awacu kumae, Amula ku tic mananu, alalu tego para pi gin moko ngo ku gin ma ie nanu; ento pokolembe m’umaka ni ku Yehova andha, man sukulia para ni ku Mungu para.

⁵Kawono Yehova m’ung’ina kud i ic kara abed jatic pare, kara adwok Yakobo kendo i bang’e, man kara jucok Israel i bang’e (kum abedo mi yung i wang’ Yehova, man Mungu para doko ni tegona) ewacu kumae;

⁶eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

⁷Yehova, Jawar mir Israel man Ng’atu Maleng’ pare uwacu kumeni ni ng’atu ma dhanu cayu, ni ng’atu ma thek udagu, ni jatic mi jubim: Ju m’ubimo bineno man gibiai; judongomawijo, e gibirwo; ni kum Yehova ma en e mandha, en e Ng’atu Maleng’ mir Israel, m’ugoyo wii.

⁸Yehova wacu kumae, I nindo m’uyire aloko iri lembe, man i ceng’ mi both akonyi; man abigwoki, man abimii ni lembariba ni dhanu, kara iting’ ng’om malu, kara iketh gimak aba m’udong’ ni uvuru;

⁹m’iwac ko kumae ni ju m’ubedo atwia, Wuwok woko; ni ju ma ni i mudho ke kumae, Wunyuthru giwu. Gibicamu i yo, man kakwae migi bibedo wi ng’om m’utingre ceke ma thwolo.

¹⁰Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

¹¹Man abidwoko gudi para ceke ni yo, man abidodo gengi para.

¹²Nen, maeni biai ku bor; man, nen, maeni biai yor ariwa ma malu ku yo reto; man maeni biai kud i ng’om Sinim.

¹³Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

¹⁴Ento Sayuni wacu kumae, Yehova kuna, man wi Rwoth uwil pira.

¹⁵Wi dhaku copo wil kum nyat’nin pare ma dhothi, ma nia ngisi nege ngo kum nyathin m’i ie? eyo, wi maeni copo wil, ento wia btoril piri ngo,

¹⁶Nen, ang’iki i die cinga: gang’kidi peri ni i wang’a thiri thiri.

¹⁷Nyithindho peri timo pio; junyothni ku ju m’udwoki ni uvuru biai kud i beng’i.

¹⁸Ting’ weng’i gbur, man inen: maeni ceke cokri gigi karacelo, man gibino i beng’i. Calu abedo kwo, Yehova wacu, ibironjri andha kugi ceke calu ku jambruko, man ibitwiri kugi, calu mugole.

¹⁹Kum, pi kar uvuru peti man pi ka ma lic peri, ku ng’om peri ma junyotho, andha kawono ibibedo dirty hai ni ju m’ubedo ii, e ju m’umwonyi gibibedo bor.

²⁰Nyithindho m’ibibedo ko, yo ng’ei iuwagi m’utho, gibiwacu kendo i ithi kumae, Kakeni diny hai ira; mi ira kaka kara abedi.

²¹Ibilund wacu i adundeni kumae, Ng’a in’unyolo ira maeni, kum nyithindho para tho, man abedo a kenda, ng’atu ma judaku, m’abegondra kun ku kuni? man ng’a m’utungo maeni? Nen juweka a kenda; maeni, naka gini kani?

²²Rwoth Yehova wacu kumae, Nen, abiting’o cinga ba thek, man abiting’o abera para ni kodhidhanu; e gibikelo woti i korgi, man gibiyeyo nyigi wi gokgi.

²³Man ju m’ubimo bibedo wego ma jupidi peri, man mon migi ni mego ma jupidi peri: gibirum piny i beng’i arieba wang’gi i ng’om, man gibinang’u utur m’i tiendi; e ibing’eyo nia an a Yehova; man ju m’ukura lewic binegogi ngo.

²⁴Jubikabu amaci ku ba jarukara, kadi jubimip ng’eca ma jumaku dre?

²⁵Ento Yehova wacu kumae, Cil ng’eca pa jarukara jubikabu cen, man jubimio amaci mi weg ndiri; kum abi-ii ku ng’atu m’uii kudi, e abilaru nyithindhi.

²⁶Man abimio cam ni ju m’usendi ku ring’gi gigi; e gibimer ku ring’gi gigi, calku pigulok ma lim lim: e weg kum ceke bing’eyo nia an, Yehova, an a Jalarni, man Jawarai, Ng’atu ma Jatego pa Yakobo.