Read Alur Isaya 60 Bible Online

Isaya 60 - Alur bible

Isaya 60

¹Ai, rieny; kum der peri bino, man der pa Yehova wok i wii.

²Kum, nen, mudho biumo ng’om, man mudho ma bii biumo kodhidhanu; ento Yehova bilero wii, man dwong’ pare binen i wii.

³Man thek bibino ba der peri, man ju m’ubimo ba der mi rupiny peri.

⁴Ting’ weng’i gbur, man inen: kagi ceke gicokri karacelo, gibino i beng’i; woti biai ku bor, man jubiyeyo nyigi ku bot.

⁵Ibilund neno man ibirieny, e adundeni bimiel man ebidoko dit; kum dit mi nam bilokre i beng’i, lonyo mi thek bibino i beng’i.

⁶Udul mi ngamia biumi, ngamia m’aradu mi Midian man Efa; gin ceke m’uai i Ceba bibino; gibikelo mola ma kwar kud udok ma ng’wice ng’ar, man gibiyero pi pak pa Yehova.

⁷Udul rombe ceke mi Kedar bicokre karacelo i beng’i, nyogi rombe mi Nebaioth bitimo iri; gibiidho malu ma giyire wi pemblam para; man abiyungo ot mi dwong’ para.

⁸Maeni ng’a m’uringo calu afuru, man calu akurubawang’ udigi?

⁹Andha cula bikura, man combo mi Tarcic ma kwong’ane, kara gikel woti ku bor, mola ma tar migi ku mola ma kwar migi karacelo kugi, pi nying’ Yehova Mungu peri, man pi Ng’atu Maleng’ mir Israel, kum eyungi.

¹⁰Man juwirok bigomo gang’kidi peri, man ju m’ubimo migi bitimo iri: kum agoi i kwinyo para, ento kisa nega i kumi i bero para.

¹¹Dhugang’ peri bende bibedo ayaba thiri thiri; jubicikogi dieceng’ kadi diewor de ngo; kara dhanu kel lonyo mi thek i beng’i, man ju m’ubimo migi ma jupeyo ni ng’eca.

¹²Kum thek kadi ker maeno ma bitimo iri ngo binyothre; eyo, jubinyotho thek maeno kot.

¹³Dwong’ mi Lebanon bibino i beng’i, sipre, ku sipre ma ithe boco, ku yen ma dundo karacelo, kara ulony ka mi kamaleng’ para; man abidwoko ka mi tienda ni ka dwong’.

¹⁴Man wot ju m’usendi bibino aruma i beng’i; man dhanu ceke m’ucei birum gigi the tiendi; e gibilwong’i kumae, Adhura pa Yehova, man, Sayuni pa Ng’atu Maleng’ mir Israel.

¹⁵Kum ebedo nia juweki man judegi, ketho nia ng’atu moko kadhu ngo kudii, abidwoki ni dwong’ mi nja, ni mutoro ni dhanum’utuk dupa.

¹⁶Ibidhodho cak mi thek bende, man ibidhodho thuno mi ju m’ubimo; man ibing’eyo nia an, an a Yehova, an a Jalarni, man Jawarni, ma Ng’atu Matek pa Yakobo.

¹⁷Abikelo mola ma kwar ka mola, man abikelo mola ma tar ka nyunyu, man mola ka yen, man nyunyu ka kidi. Abidwoko jego peri bende ni kwiocwiny, man weg ajok peri ni bedopwe.

¹⁸Jubiwinjo pi rop kendo ngo i ng’om peri, kadi uvuru kadi nyoth yor i kieu peri; ento ibilwong’o gang’kidi peri Both, man dhugang’ peri Pak.

¹⁹Ceng’ bibedo der peri kendo ngo ku dieceng’; kadi dwi de bimio iri der mi rieny ungo: ento Yehova bibedo iri ni der mi nja, man Mungu peri bibedo ni dwong’ peri.

²⁰Ceng’ peri bimwony kendo ngo, kadok dwi peri de biai ngo; kum Yehova bibedo der peri mi nja, man ceng’ mi ywak peri bithum.

²¹Dhanu peri bende bibedo pwe ceke; gibicamu ng’om ni aba mi nja, en e jangpiny m’apidho an, ma tic m’i cinga, kara juyunga.

²²Ng’atu ma nok bidoko rubanga, man ng’atu ma nyathigi bidoko thek ma tek: an, an a Yehova, abidhulo maeni i nindone.