Read Alur Isaya 64 Bible Online

Isaya 64 - Alur bible

Isaya 64

¹A tek iyeco polo, man iloro piny, kara gudi yengre i weng’i,

²calu kinde ma mac uwang’u susu mi luli, man mac uketho pi wali; kara iketh nyingi ng’eire ni jusend peri, kara kum thek umiel i vuti mire!

³Kinde m’itimo gin mi ndiri ma wageno ngo, iloro piny, e gudi yengre i vuti.

⁴Kum ugambre con dhanu winjo ngo, kadi ging’eyo ku ith de ngo, kadok wang’ de neno Mungu mange ngo m’umedi, ma timo ni ng’atu m’ukure.

⁵Irombo ku ng’atu m’anyong’a nege man m’utimo bedopwe, ju m’upoi piri i yo peri: nen, kwinyo negi, man wadubo: wabedo i igi ugambre con; e wabibothi?

⁶Kum kawa ceke wadoko calu ng’atu m’ucido, man bedopwe mwa ceke calu kendi m’ucido: e kawa ceke waner calu ith uboko; man kier mwa, calu yamu, uterowa cen.

⁷E ng’atu moko mbe m’ulwong’o nyingi, m’uting’o cwinye kara emeki; kum ipanu weng’i iwa, man idaruwa ni kum kier mwa.

⁸Ento kawono, E Yehova, in i Wegwa; wan wan ulobo, man in i jacwi agulu mwa; man kawa ceke wa tic m’i cingi.

⁹Kwinyo kud unegi hai, E Yehova, kadi kud ipoi pi kier mi nja; nen, ng’i, wakwei, kawa ceke wa dhanu peri.

¹⁰Adhura peri ma leng’ udoko ni langa, Sayuni doko ni langa, Yerusalem ni uvuru.

¹¹Ot mwa ma leng’ man mi bero, ka ma kwaruwa peki i ie, uwang’ ku mac; man ka mwa ma ber ceke judwoko ni uvuru.

¹²Ibiceri giri pi gin maeni, E Yehova? ibiling’ man ibisendowa hai?