Read Alur Lembe Mi Julawi 12 Bible Online

Lembe Mi Julawi 12 - Alur bible

Lembe Mi Julawi 12

¹E Yehova yero ni Musa, ewacu kumae,

²Yer ni nyithindho mir Israel, wac kumae, Tek dhaku gamu ie, man enyolo nyathin ma nico, ebilund bedo m’ecido ceng’ abiro; calu i nindo mi koiri mi tho pare ebicido.

³Man i ceng’ mir aborane jubitimo yaa kum ring’ dendkum nyathinne.

⁴Man ebibedo won rimo mi dwokrileng’ ceng’ pier adek wi adek; ebimulo kum gin ma leng’ ungo, kadi ebimondo i kamaleng’ de ungo, maram ceng’ mi dwokrileng’ pare bithum ko.

⁵Ento tek enyolo nyathin ma nyaku, ebilund bedo m’ecido yenga ario, calu i koiri pare; man ebibedo won rimo mi dwokrileng’ ceng’ pier abusiel wi abusiel.

⁶Man kinde ma nindo mi dwokrileng’ pare thum, pi nyathin ma nico, kadi pi nyathin ma nyaku, ebikelo nyathi rombo ma rundine acel ni lam m’awang’a, man nyathin akuru, kadi nyathuk, ni lam mi dubo, ba dhugola mi hema mi cokri, ba jalam:

⁷e ebithiere i wang’ Yehova, man ebitimo adunya pire; e ebidoko leng’ ni kulo mi rimo pare. Maeni en e cik ni ng’atu m’unyol, kadok nico kadi dhaku.

⁸Man tek piny pare romo mi nyathi rombo ngo, ebilund gamu nyathuk ario, kadi nyithindh akuru ario; acel ni lam m’awang’a, man mucelo ni lam mi dubo: e jalam bitimo adunya pire, man ebibedo leng’.