Read Alur Lembe Mi Julawi 18 Bible Online

Lembe Mi Julawi 18 - Alur bible

Lembe Mi Julawi 18

¹Man Yehova yero ni Musa, ewacu kumae,

²Yer ni nyithindho mir Israel, wac igi kumae, An a Yehova Mungu mu.

³Kud wutim calu giratima mi ng’om Misiri, ma naka wubedo i ie: man kud wutim calu giratima mi ng’om Kanan, ka m’aterowu i ie; kadok ku cik migi de kud wuwothi.

⁴Wutim lembapoka para, man wugwok cik para, kara wuwoth i ie: an a Yehova Mungu mu,

⁵Ka kumeno wugwok cik para, ku lembapoka para; ma tek dhanu timo, ebibedo kwo ni kumgi: an a Yehova.

⁶Ng’atu moko m’i kindwu kud ucor ceng’ni wadi ma ceng’ni kude, niyabu muneru pare: an a Yehova.

⁷Muneru pa wuru, cil muneru pa meru, kud iyabi: en e meru; kud iyab muneru pare.

⁸Muneru pa ci wuru kud iyabi; en e muneru pa wuru.

⁹Muneru pa nyameru, ma nya wuru, kadi ma nyar meru, kadok junyole thugi, kadi junyole kamange, en e muneru migi kud iyabi.

¹⁰Muneru pa nya wodi, kadi pa nya nyeri, en e muneru migi kud iyabi: kum migi en e muneru peri.

¹¹Muneru pa nya ci wuru, ma wuru nyolo, en e nyameru, kud iyab muneru pare.

¹²Kud iyab mimeru pa nyamin wuru: en e mon ma wat pa wuru ma ceng’ni.

¹³Kud iyab muneru pa nyamin meru: kum en e dhaku ma wat pa meru ma ceng’ni.

¹⁴Kud iyab muneru p’umin wuru, kud icor ceng’ni dhaku pare: en e ci umin wuru.

¹⁵Kud iyab muneru pa ci wodi: en e ci wodi; kud iyab muneru pare.

¹⁶Kud iyab muneru pa ci umeru: en e muneru p’umeru.

¹⁷Kud iyab muneru pa dhaku ku nyare; kud igam nya wode, kadi nya nyare, niyabu muneru pare; gi mon ma wat ma ceng’ni: en e dubo.

¹⁸Kud igam dhaku ku nyamin, emaru bedo nyeke, niyabu muneru pare, umedo wadi i nindo mi kwo pare.

¹⁹Man kud icor ceng’ni dhaku niyabu muneru pare, kinde m’ebedo ku kwir ni kum cilo pare.

²⁰Man kud ivut ku ci wedu ku tarwang’, ma nia wucidru kude.

²¹Man kud imi nyikwei moko ya ukadh kud i mac ni Molek; kadok nying’ Mungu peri de kud icidi: an a Yehova.

²²Kud ivut ku co calu vuto ku mon: en e ginmajudagu.

²³Man kud ivut ku lim moko ma nia icidri giri kudo; kadi dhaku de kud ucung i wang’ lim, kara evut kudo: en e gin m’ucido.

²⁴Kud wucidru kum gin maeni moko: kum thek m’ariemo woko kud i weng’wu ucidri kum gin maeni ceke;

²⁵e ng’om ucidre: ka kumeno aliewo kieme i wie, man ng’om ung’ogo dhanu pare m’ubedo i ie.

²⁶Ka kumeno wugwok cik para ku lembapoka para, man kud wutim ginmaudagu maeni moko; kadok ng’atu m’anyola, kadi umondo m’ubedo i kindwu

²⁷(kum ginmajudagu maeni ceke dhanu m’i ng’om gitimo, m’ular ubedo nuti iwu, e ng’om ucidre);

²⁸kara ng’om kud ung’-ogwu bende woko, kinde ma wucide, calu eng’ogo thek m’ular ubedo nuti iwu.

²⁹Kum ng’atu ma tek bitimo ginmajudagu maeni moko, en e ng’eyong’ec m’utimogi jubikabu gi woko ku kind juthugi.

³⁰Ka kumeno wugwok kux para, kara kud wubewutim kura maeni moko ma ginmajudagu, ma jular jubejutimo i weng’wu, man kara kud wucidru giwu i ie: an a Yehova Mungu mu.