Read Alur Lembe Mi Julawi 3 Bible Online

Lembe Mi Julawi 3 - Alur bible

Lembe Mi Julawi 3

¹Man tek girathiera pare en e lam mi girathiera mi kwiocwiny: tek ethiero kind dhok, kadok thwon kadi rwaya, ebithiere ma mulima mbe i kume i wang’ Yehova.

²Man ebiketho cinge i die wi lam pare, man ebinege i dhugola mi hema mi cokri: man wot Harun ma julam bikiro rimone dhu pemblam gbur.

³Man ebithiero kind lam mi girathiera mi kwiocwiny lam ma jutimo ku mac ni Yehova; mio ma umo jambie, ku mio ceke ma ni kum jambie,

⁴man nying rong’ni ario, ku mo ma ni i kumgi, m’i piere, man bor ma kum cwiny, ku nying rong’ni, ebikabu cen.

⁵Man wot Harun biwang’e wi pemblam wi lam m’awang’a, ma ni wi yen ma ni wi mac: en e lam ma jutimo ku mac, mi ng’wic mido ma ng’ar ni Yehova.

⁶Man tek girathiera pare ma mi lam mi girathiera mi kwiocwiny ni Yehova en e kind udul rombe; nyok kadi vong’, ebithiere ma mulima mbe i kume.

⁷Tek ethiero nyathi rombo ni girathiera pare, ebilund thiere i wang’ Yehova;

⁸man ebiketho cinge i die wi girathiera pare, man ebinege i wang’ hema mi cokri; e wot Harun bikiro rimone wi pemblam gbur.

⁹Man ebithiero lam mi girathiera mi kwiocwiny lam ma jutimo ku mac ni Yehova; mione, ku yibe ma mio bo, ebikabe ku kum cogo lier ng’ec; man mo m’uumo jambic, ku mo ceke ma ni i kum jambic,

¹⁰ku nying rong’ni ario, ku mo ma ni i kumgi, m’i piere, ku bor ma kum cwiny, ku nying rong’ni, ebikabu cen.

¹¹Man jalam biwang’e wi pemblam: en e cemo mi lam ma jutimo ku mac ni Yehova.

¹²Man tek girathiera pare en e diel, ebilund thiere i wang’ Yehova:

¹³man ebiketho cinge i die wie, ebinege de i wang’ hema mi cokri; man wot Harun bikiro rimone wi pemblam gbur.

¹⁴Man ebithiero girathiera pare, en e lam ma jutimo ku mac ni Yehova; mio ma umo jambic, ku mio ceke ma ni i kum jambic,

¹⁵ku nying rong’ni ario, man mio ma ni i kumgi, m’i piere, ku bor ma kum cwiny, ku rong’ni, ebikabu cen.

¹⁶E jalam biwang’ugi wi pemblam: en e cemo mi lam ma jutimo ku mac, ni ng’wic mido ma ng’ar; mio ceke en e pa Yehova.

¹⁷Ebibedo ni cik cil kum dhanum’utuk mu ceke i kabedo mu ceke, nia kud wucam mio kadi rimo.