Read Alur Yeremia 41 Bible Online

Yeremia 41 - Alur bible

Yeremia 41

¹Nie etimbre i dwi mir abirone, nia Icmael ma wod Nethania, ma wod Elicama, mi kodhi ker ku jego ma dit acel mir ubimo, man dhanu apar gi kude, gibino ba Gedalia ma wod Ahikam i Mizpa; e gicamu kwen karacelo kuca i Mizpa.

²Icmael ma wod Nethania, ku dhanu apar ma ni kude, gilund giai malu man gigoyo Gedalia ma wod Ahikam ma wod Cafan ku palamularu, man enege, m’ubimo mi Babeli ketho ni jabim wi ng’ombe.

³Icmael unego Juyahudi ceke bende ma gini kude, ma gini karacelo ku Gedalia, i Mizpa, ku Jukaldayo ma junwang’u kuca, ma dhanu mir ali.

⁴Man etimbre i ceng’ mir arionde yo ng’ei Gedalia m’enego, man ng’atu moko mbe m’ung’eyo,

⁵nia dhanu bino m’uai Cekem, man kud i Cilo, man kud i Samaria, en e dhanu pier abora, ma tikgi bedo aliela kendi migi de bedo ayeca, man ma githumbri gigi, ku lam mi mogo man udok ma ng’wice ng’ar i cing’gi, kara gikelgi ba ot pa Yehova.

⁶Man Icmael ma wod Nethania uwok woko kud i Mizpa kara giromb kugi, m’ewotho ku ywak kan ebecidho: man etimbre, kinde m’erombo kugi, ewacu igi kumae, Wubin ba Gedalia ma wod Ahikam.

⁷Man etimbre, kinde ma giwok i dier adhura, nia Icmael ma wod Nethania negogi, man ebayugi i die vur, en, ku dhanu ma ni kude.

⁸Ento dhanu apar unwangre i kindgi m’uwacu ni Icmael kumae, Kud inegwa; kum wabedo ku piny m’akana m’upondo i thim, mi nganu, man mi nganu ma tung’, man mi mo, man mi kic. Kum kumeno ewekogi, man enegogi ngo kind utumeggi.

⁹Nwang’u vur ma Icmael ubayu ie avuj dhanu ceke m’enego, i vut Gedalia (vuje en e ma Asa m’ubimo timo ni lworo pa Baca m’ubimo mir Israel), Icmael ma wod Nethania pong’e ku ju ma junego.

¹⁰Icmael ulund utero dong’ dhanu ceke ma ni i Mizpa ni ng’eca, cil nyig ubimo, ku dhanu ceke m’udong’ i Mizpa, ma Nebuzaradan ma jego mi jukur uketho i cing’ Gedalia ma wod Ahikam; Icmael ma wod Nethania terogi i ng’eca, man eai kara ekadh lokaca ba nyithindho mir Amon.

¹¹Ento kinde ma Yohanan ma wod Kareya, ku jego ceke mi njuru asikari ma ni kude, uwinjo lem ma rac ceke ma Icmael ma wod Nethania timo,

¹²gilund gicamit dhanu ceke, man gicidho kara gikied ku Icmael ma wod Nethania, man ginwyng’e dim pi ma di: ma ni i Gibeon.

¹³Nie etimbre nia kinde ma dhanu ceke ma gini karacelo ku Icmael uneno Yohanan ma wod Kareya, ku jego ceke mi niuru asikari ma ni kude, anyoag’a lund unegogi,

¹⁴Kum kumeno dhanu ceke ma Icmael uyaku ni ng’eca kud i Mizpa gilokri man gidwogo, man gicidho ba Yohanan ma wod Kareya.

¹⁵Ento Icmael ma wod Nethania both ni Yohanan ku dhanu abora, e ecidho ba nyithindho mir Amon.

¹⁶Yohanan ma wod Kareya, ku jego ceke mi njuru asikari ma ni kude, gilund gigamu dong’ dhanu ceke m’egamu ku ba Icmael ma wod Nethania, kud i Mizpa, yo ng’ei Gedalia ma wod Ahikam m’enego, en e dhanu mir ali, ku mon, man nyithindho, ku jumugumba, m’edwogo kudo kud i Gibeon.

¹⁷E giai, man gibedo i Geruth Kimham, ma ni i vut Beth-lehem, kara gici gimond i Misiri,

¹⁸ni kum Jukaldayo; kum gilworogi, kum Icmael ma wod Nethania nego Gedalia ma wod Ahikam, m’ubimo mi Babeli ketho ni jabim wi ng’ombe.