Read Alur Yeremia 45 Bible Online

Yeremia 45 - Alur bible

Yeremia 45

¹Lembe ma Yeremia ma jabila yero ni Baruc ma wod Neria, kinde m’egoro lembe maeni i kitabu ku dhu Yeremia, i rundi mir ang’wende mi camuker pa Yehoiakim ma wod Yosia, m’ubimo mi Yuda, m’ewacu kumae,

²Yehova, Mungu mir Israel, uwacu iri kumae, E Baruc:

³Iwacu kumae, Can i wia ka wono! kum Yehova medo can ni remokum para; aol ku cur para, man anwang’u yom ungo.

⁴Wac ire kumae, Yehova wacu kumae: Nen, maeno m’agomo abirwombo piny, man maeno m’apidho abifudho; man maeni i ng’om dho.

⁵Man iyenyo gin ma dit iri giri? kud iyenygi; kum, nen, abikelo lem ma rac wi weg kum ceke, Yehova wacu; kum abimio kwo peri ni amaci i kaka ceke m’icidho i ie.