Read Alur Yeremia 47 Bible Online

Yeremia 47 - Alur bible

Yeremia 47

¹Lembe pa Yehova m’ubino ba Yeremia ma jabila pi Jufilisti, ma fodi Farao kugoyo Gaza ngo.

²Yehova wacu: Nen, pi ai ku yor ariwa ma malu, man ebidoko ni kulo m’upong’, e ebiumo ng’om ku gin ceke ma ni i ie, adhura ku ju m’ubedo i ie; e dhanu biywak, man ju m’ubedo i ng’om ceke bigoyo nduru.

³Ni badwal mi nyon mir utweng jupare ma tek, ni cori mi magali pare, ni badwand ukobrene, wego gineno yor i ng’eigi ngo ba nyithindho migi ni ng’ic m’i cing’gi;

⁴Kum ceng’ m’ubino kara unyoth Jufilisti ceke, kara ukab jukony m’udong’ woko kubang’e kubang’e kud i Turo man Sidon: kum Yehova binyotho Jufilisti, donge m’udong’ mi cula mi Kaftor.

⁵Wie m’uwang’ uwok kum Gaza; judwoko Ackelon ni gin mananu, en e donge m’udong’ i poga migi: ibithumbri giri rokani?

⁶E in i palamularu pa Yehova, ebibedo rokani ma fok’ibedo ling’ ungo? roiri giri i ukoroni; yom, man ibed ling’.

⁷Icopo bedo ling’ nenedi, ma nwang’u Yehova mio iri ng’oli? kum Ackelon, man kum dhu wath, ka m’eng’olo ie lembene.