Read Alur Ywak 5 Bible Online

Ywak 5 - Alur bible

Ywak 5

¹Poi, E Yehova, pi gin m’uwok i kumwa: Ng’i man inen cac mwa.

²Aba mwa juloko ni juwirok, Udi mwa ni juwirok.

³Wan wa kic man ju ma weggi mbe; Megwa gi calu mon ma coggi tho.

⁴Wamadhu pi mwa mi sente; Yen mwa jung’iewo i bang’a.

⁵Juriemwa ni i ng’utwa: Waol man yom umbe iwa.

⁶Wamio cing’ ni Jumisiri, Man ni Juascuri, kara wayeng’ ku kwen.

⁷Kwaruwa dubo, e gimbe: E wayeyo kier migi.

⁸Jutic ubimo wiwa: Ng’atu moko mbe m’ubodhwa kud i cing’gi.

⁹Wagamu cemo mwa ku both abotha mi kwo mwa, Kum palamularu mi langa.

¹⁰Dendkumwa col calu kendo, Kum lietho m’uwang’ mi ndru.

¹¹Gitimo mon mi Sayuni rac, Nyir ma ng’won i adhura mi Yuda.

¹²Juliero judongomawijo ku cing’gi acel: Juyungo wang’ judongo ngo.

¹³Awobi giyeyo pom; Man nyithindho gipodho ku yen.

¹⁴Judongo mbe dhugang’, Awobi de mbe kum badwal migi.

¹⁵Mutoro mir adundewa jik; Miel mwa lokre ni ywak.

¹⁶Jamkermiwic upodho kud i wiwa: Can i wiwa, kum wadubo!

¹⁷Kum maeni adundewa voc; Kum gin maeni wang’wa cor;

¹⁸Kum got mi Sayuni, m’e kende: Utho wotho i wie.

¹⁹In, E Yehova, ibedo mi nja; Komker peri gambre kum dhanum’utuk cil kum dhanum’utuk.

²⁰Pirang’o wii wil piwa mi nja, Man ikunowa nindo ma dit kumeni?

²¹Lokri i bang’wa, E Yehova, e jubilokowa; Dwok ceng’ mwa nyen calu ma con.

²²Ento ikwerowa ma gwei; Kwinyo negi dit i kumwa.