Read Alur Ezekiel 10 Bible Online

Ezekiel 10 - Alur bible

Ezekiel 10

¹Alund aneno, man, nen, i afuru ma ni i wi kerubi gin moko wok i wigi calu en e kidi ma tek ma nen uluga, calu giranena mir ayi komker.

²Man eyero ni dhanu m’uronjre ku bongu ma nwang’, e ewacu kumae, Mond i kind ukobre m’uwire, en e the kerubi acel, man ipong’ cingi ario ku cukmac kud i kind kerubi, man ikir wi adhurane. Man emondo i wang’a.

³Nie kerubi cungo i ng’et ot ma yor acwic, kinde ma dhanune mondo; man afuru pong’o lelagang’ ma yor i ie.

⁴Man dwong’ pa Yehova idho malu ku ba kerubine, man ecungo wi riu mi dhugola mi ot; e ode pong’ kud afuru, man lelagang’ de pong’ ku rieny mi dwong’ pa Yehova.

⁵Man badwand bomb kerubi winjre cil ba lelagang’ ma yo woko, calu dwand Mungu ma Jategokpo kinde m’eweco.

⁶Man etimbre, kinde m’eng’olo ni ng’atu m’uronjre ku bongu ma nwang’, m’ewacu kumae, Gam mac kud i kind ukobre m’ubewire, kud i kind kerubi, nia emondo, man ecungo i ng’et ukobre acel.

⁷Man kerubi acel urieyo cinge kud i kind kerubi ba mac ma ni i kind kerubi, man egamu kume moko, man ekethe i cing’ ng’atu m’uronyo bongu ma nwang’, m’ugame man ewok woko.

⁸Man ayi cing’ dhanu wok ba kerubi the bombgi.

⁹Man aneno, man nen, ukobre ang’wen ni i ng’et kerubi, ukobre acel i ng’et kerubi acel, man ukobre mucelo i ng’et kerubi mucelo; man nen mir ukobrene e calu kidi ma col ma calu nam.

¹⁰Man pi nen migi, gin ang’wen gibedo kud ayi acel, calu tek ukobre bedo yo i ukobre wadi.

¹¹Blinde ma gibecidho, gicidho i yo migi ang’wen: gilokri ngo ka gicidho, ento i ka ma wie uneno e gilubo toke; gilokri ngo ka gicidho.

¹²Man kumgi dho, ku ng’eigi, ku cing’gi, ku bombgi, man ukobrene, upong’ ku wang’e gbur, en e ukobre ma gin ang’wen ubedo ko.

¹³Pir ukobrene, julwong’ogi ukobre m’ubewire i itha.

¹⁴Man kubang’gi kubang’gi man ubedo ku wang’ ang’wen: wang’ ma kwong’ane en e wang’ mi kerubi, man wang’ mir arionde en e wang’ mi dhanu, man wang’ mir adege en e wang’ p’umvor: man wang’ mir ang’wende en e wang’ mir acur.

¹⁵Man kerubi idho malu: maeni gin ma kwo m’aneno dhu kulo Kebar.

¹⁶Man kinde ma kerubi cidho, ukobrene cidho i ng’etgi; man kinde ma kerubi ting’o bombgi kara giidh malu kud i ng’om, ukobrene bende lokre ngo kud i ng’etgi.

¹⁷Kinde ma gicungo, e maeni de cungo; man kinde ma giidho malu, e maeni de idho gikugi: kum tipo mi gin ma kwone ni i igi.

¹⁸Man dwong’ pa Yehova wok woko ku ba riu mi dhugola mi ot, man ecungo wi kerubi.

¹⁹Man kerubi ting’o bombgi malu, man gituk malu kud i ng’om i wang’a kinde ma giwok woko, kud ukobrene i ng’etgi: man gicungo i dhugola mi dhugang’ ma yo nyangu mi ot pa Yehova; man dwong’ pa Mungu mir Israel ni i wigi ku malu.

²⁰Maeni gin ma kwone m’aneno the Mungu mir Israel dhu kulo Kebar: man ang’eyo nia gi kerubi.

²¹Kubang’gi kubang’gi man ubedo ku wang’ ang’wen, man kubang’gi kubang’gi man ubedo ku bomb ang’wen; man ayi cing’ dhanu ni the bombgi.

²²Man pir ayi wang’gi, gi wang’ m’aneno dhu kulo Kebar, giranena migi man gin gigi; gicidho kubang’gi kubang’gi man atira i wang’e man atira i wang’e.