Read Alur Ezekiel 15 Bible Online

Ezekiel 15 - Alur bible

Ezekiel 15

¹Man lembe pa Yehova bino i bang’a, m’uwacu kumae,

²Wod dhanu, yendulok sagu yen mange ni kum ang’o, en e jangulok ma ni i kind yedhi mi luli?

³Jubigamu yen kud i kume kara utim tic moko? kadi dhanu bigamu gangu moko i bang’e kara jung’ab agulu moko i kume?

⁴Nen, juredhe i mac ni girawang’a; mac uwang’u dhoge ario, man diere wang’: ebedo ni kuloka mi tic moko?

⁵Nen, kinde m’ebedo bo, eromo ngo mi tic moko: e ka kinde ma mac uwang’e ke, man ewang’, e ebiromo ku tic moko asu?

⁶Ka kumeno Rwoth Yehova wacu kumae: Calu yendulok i kind yedhi mi luli, m’amio ni mac ni girawang’a, e abimio ju m’ubedo i Yerusalem kumeca.

⁷Man abiketho wang’a i kumgi; gibiai kud i mac, ento mac biwang’ugi; e wubing’eyo nia an a Yehova, kinde m’aketho wang’a i kumgi.

⁸Man abidwoko ng’om ni uvuru, kum gidubo, Rwoth Yehova wacu.