Read Alur Ezekiel 19 Bible Online

Ezekiel 19 - Alur bible

Ezekiel 19

¹Man kendo, ting’ ywak pi judongomawijo mir Israel,

²man iwac kumae, Meru en e ang’o? En e min umvor: eriebre kind umvor, egwoko nyithindhe i kind nyithindh umvor.

³Man etungo kind nyithindhe acel: edoko ni nyathin umvor, man eponjo ng’eyo maku mak; ecamu dhanu.

⁴Thek bende giwinjo pire: jumake i vur migi; man gikele ku gol i ng’om Misiri.

⁵Nie kinde m’eneno nia egalu, man genogen pare rwinyo, elund egamu nyathin pare mange, man edwoke ni nyathin umvor.

⁶Man ecidho malu ku piny i kind umvor; edoko nyathin umvor, man eponjo ng’eyo maku mak; ecamu dhanu.

⁷Man eng’eyo udi ma beco migi, man enyotho adhura migi; e ng’om ubedo ni uvuru, ku pong’ne, kum badwal mi ywak pare.

⁸E thek ulund ukethri gigi i kume kun ku kun ku ba ng’etker; man gipedho voi migi i wie; gimake i vur migi.

⁹Man gikethe i kol mi gang’ ku gol, man gikele bang’ ubimo mi Babeli; gikele i ka ma tek, kara dwande kud uwinjre kendo wi gudi mir Israel.

¹⁰Naka meru calu ulok i rimo peri, ma jupidho i ng’et pi dupa; ecego nyinge dit man epong’ ku jange kum pi ma dupa.

¹¹Man ebedo ku dul ma tek ni uluthker mi ju m’ubimo, man kadongo migi dodre kind afuru, man junenogi i kadongo migi karacelo kud udul jang’gi.

¹²Ento jufudhe ku kwinyo, juredhe piny i ng’om, man yamu ma yo nyangu talu nyinge: juturo dul pare ma tek cen man ener; mac uwang’ugi.

¹³E kawono jupidhe i langa, i ng’om m’uthwo mi rieu de.

¹⁴Man mac uai kud i dul mi jange, ewang’u nyinge, ketho nia uluth ma tek umbe kara ubed ni uluthker m’ubim. Maeni ywak, man ebibedo ni ywak.