Read Alur Ezekiel 21 Bible Online

Ezekiel 21 - Alur bible

Ezekiel 21

¹Man lembe pa Yehova bino i bang’a, m’uwacu kumae,

²Wod dhanu, keth weng’i yo ba Yerusalem, man iton lembe peri yo ba kamaleng’, man ieu lembe kum ng’om mir Israel;

³man iwac ni ng’om mir Israel kumae, Yehova wacu kumae: Nen, an a jadhogi, man abiwodho palamularu para ku i ukorone, man abikabu ju ma pwe ku judubo cen kud i kumi.

⁴Kum ebedo kumeno nia abikabu ju ma pwe ku judubo kud i beng’i, ka kumeno palamularu para biai woko ku i ukorone kum weg kum ceke gambre yor ariwa ma piny cil kum yor ariwa ma malu:

⁵e weg kum ceke bing’eyo nia an, an a Yehova, awodho palamularu para ku i ukorone; ebidok kendo ngo.

⁶Ka kumeno gam cwinyi, in i wod dhanu; gam cwinyi i wang’gi ku tur mi pieri man ku gin ma kec.

⁷Man ebibedo, kinde ma giwacu iri kumae, Pirang’o igamu cwinyi? nia ibiwacu kumae, Kum rwonglembe, kum ebino; man cwinygi bing’oi kubang’gi kubang’gi, man cing’ ceke bidoko ng’ic, man tipo ceke kubang’e kubang’e bivoc, man cong ceke bibedo ng’ic calu pi: nen, ebino, man ebitimbre, Rwoth Yehova wacu.

⁸Lembe pa Yehova bino i bang’a, m’uwacu kumae,

⁹Wod dhanu, cu lembe, man iwac kumae, Yehova wacu kumae: Wac kumae, Palamularu, palamularu, jupaku lake, jurudo kume bende;

¹⁰jupaku lake kara eneg nek; jurude kara ebed va lukoth: ka kumeno wabitimo anyong’a? uhlth pa woda, ecayu yen ceke.

¹¹Man jumie kara jurude, kara jumake i cing’: palamularu, jupaku lake, eyo jurude, kara jumie i cing’ janek.

¹²Ywaki man igoi nduru, wod dhanu; kum en e wi dhanu para, en e wi judongomawijo ceke mir Israel: jumiogi ba palamularu ku dhanu para; ka kumeno goi benibi.

¹³Kum muloic nuti; man ang’o tek ninth m’ucuyu bedo mbe kendo? Rwoth Yehova wacu.

¹⁴Ka kumeno in, wod dhanu, cu lembe, man iteng’ cingi karacelo; man wek palamularu medre wang’ adek, palamularu ma tong’o lero mi tho: en e palamularu pa ng’atu ma dwong’ ma lero mi tho ni i kume, m’uraondo i kusika migi.

¹⁵Aketho palamularu mi cim kum dhugang’ migi ceke, kara cwinygi ng’oi, man kier migi medre: a! jutirac calu lukoth, ebith mi nek.

¹⁶Cokri karacelo, cidh yor acwic, theri giri, cidh yor acam, ka ma tek iloko weng’i i ie.

¹⁷An bende abiteng’o cinga karacelo, man abiketho kwinyo para yom: an, an a Yehova, ayero maeni.

¹⁸Lembe pa Yehova bino i bang’a kendo, m’uwacu kumae,

¹⁹Wod dhanu, keth iri yo ario bende, kara palamularu mir ubimo mi Babeli bin; gin ario gibiwok woko kud i ng’om acel; man kieu kaka, kiewe wi yo ma tundo i adhura.

²⁰Ibiketho yo ma palamularu tund ko Raba mi nyithindho mir Amon, man ba Yuda i Yerusalem ma judwoko tek.

²¹Kum ubimo mi Babeli cungo i akarayo, i wi yo ario, kara etim ng’eyolembe: eyenyo athero kun ku kun, epenjo ayi gin m’acwia, eneno i cwiny ma ring’kum.

²²Ng’eyolembe mi Yerusalem ni i cinge ma yor acwic, mi ketho jamb rwombo piny, man mi yabu pi negonek, man mi ting’o dwal malu ku kok, man mi ketho jamb rwombo piny kum dhugang’, man mi dhuro ng’om, man mi gomo ot ma tek mir ali.

²³Man ebibedo igi calu ng’eyolembe mi ndra i wang’gi, m’ukwong’o kwong’ igi; ento eketho jupoi pi kier, kara jumakgi.

²⁴Ka kumeno Rwoth Yehova wacu kumae: Kum wuketho jupoi kum kier mu, kum juyabu dubo mu, ketho nia dubo mu nen i giratima mu ceke; kum jupoi piwu, jubimakuwu ku cing’.

²⁵Man in, E in i ng’atu ma jadubo ma jutong’o lero mi tho i kumi, in i jaditmawijo mir Israel, ma ceng’ peri wok, i nindo mi kier mi kajik,

²⁶Rwoth Yehova wacu kumae: Kab giratwia m’i wie, man iting’ jamkermiwic cen; maeni bibedo kendo ngo calu m’ebedo; dod gin ma piny, man jwig gin ma malu.

²⁷Abing’iele, ng’iele, ng’iele: maeni bende bibedo kendo ngo, cil ma ng’atu ma en e ng’ol pare bibino ko; man abimie ire.

²⁸Man in, wod dhanu, cu lembe, man iwac kumae, Rwoth Yehova wacu kumae pi nyithindho mir Amon, man pi cac migi; man iwac kumae, Palamularu, juwodho palamularu, jurude mi negonek, kara ecam, kara ebed calu lukoth;

²⁹kinde ma gineno ginmawokiwang’ mi ndra piri, man kinde ma giewo lembe mi ndra iri kara gikethi wi ng’ut judubo ma jutong’o lero mi tho i kumgi, ma nindone bino i nindo mi kier mi kajik.

³⁰Keth edok i ukorone. Abipoko lembe i wii i ka ma jucwii i ie, i ng’om mi nyol peri.

³¹Man abikonjo ng’ecwiny para i wii; abikoto i wii ku mac mi kwinyo para; man abimii i cing’ dhanu ma jurop, ma riek mi nyotho nyoth.

³²Ibibedo ni jambmac ni mac: rimbi bibedo i die ng’om; jubipoi piri kendo ngo; kum an, an a Yehova, ayero maeni.