Read Alur Ezekiel 8 Bible Online

Ezekiel 8 - Alur bible

Ezekiel 8

¹Man etimbre i rundi mir abusiende, i dwi mir abusiende, i ceng’ mir abije mi dwije, kinde m’abedo i ot para, man judongo mi Yuda bedo i wang’a, nia cing’ Rwoth Yehova podho i wia kuca.

²Alund aneno, man, nen, ayi unen calu giranena mi mac; ugambre kum giranena mi piere ma yo piny, mac; man ugambre kum piere ma ku malu, calu giranena mi rienypiny, calu mola m’urieny.

³Man erieyo ayi mi cing’, man emaka ku yukwia moko; e Tipo ting’a malu i die ng’om ku polo, man ekela i ginmawokiwang’ pa Mungu ba Yerusalem, ba dhugola mi dhugang’ mi lelagang’ ma yor i ie ma nen yor ariwa ma malu; ka ma kom mir ayi gin m’acwia mi nyeko ni i ie, ma nyayu nyeko.

⁴Man nen, dwong’ pa Mungu mir Israel ni kuca, calku giranena m’aneno i pambu.

⁵Elund ewacu ira kumae, Wod dhanu, ting’ weng’i malu kawono yo ba yor ariwa ma malu. Kum kumeno ating’o wang’a malu yo ba yor ariwa ma malu, man nen, yor ariwa ma malu ni dhugang’ mi pemblam, ayi gin m’acwia maeni mi nyeko ni i kamondo.

⁶Man ewacu ira kumae, Wod dhanu, ineno gin ma gitimo? en e ginmajudagu ma dit ma ot mir Israel utimo keni, kara acidh bor cen ku kamaleng’ para? Ento fodi ibineno ginmajudagu ma dit mange kendo.

⁷Man ekela ba dhugola mi lelagang’; man kinde m’aneno, nen, ka ma thwolo ni i gang’kidi.

⁸Elund ewacu ira kumae, Wod dhanu, kawono kuny i gang’kidi: man kinde m’adaru kunyo i gang’kidi, nen, dhugola nuti.

⁹Man ewacu ira kumae, Mondi, man inen ginmajudagu mi dubo ma gitimo keni.

¹⁰Kum kumeni amondo e aneno; man nen, ayi gin ma lak kubang’e kubang’e, man yedi ma judagu, ku mungu m’araga ceke mi ot mir Israel, jukiewo wi gang’kidi gbur.

¹¹Man dhanu pier abiro ma kind judongo mi ot mir Israel ucungo keca i wang’gi; man Yazania ma wod Cafan ni i kindgi, ku ba dhanu ku ba dhanu ng’atuman tabu pare mir udok ma ng’wice ng’ar ni i cinge; man ng’wic afuru mir udok ma ng’wice ng’ame ucidho malu.

¹²Elund ewacu ira kumae, Wod dhanu, ineno gin ma judongo mi ot mir Israel utimo i mudho, ku ba dhanu ku ba dhanu ng’atuman i kusika pare mi giracwia mir ayi? kum giwacu kumae, Yehova nenowa ngo; Yehova kuno ng’om.

¹³Ewacu ira bende kumae, Fodi ibineno ginmajudagu ma dit mange kendo ma gitimo.

¹⁴Elund etera ba dhugola mi dhugang’ mi ot pa Yehova ma ni yor ariwa ma malu; man nen, mon gibedo kuca gibeywak pi Tamuz.[1]

¹⁵Elund ewacu ira kumae, Ineno maeni, E wod dhanu? ibineno ginmajudagu mange kendo ma sagu maeni.

¹⁶Man etera i lelagang’ ma yor i ie mi ot pa Yehova; man nen, i dhugola mi hekalu pa Yehova, i kind pondot ku pemblam, dhanu ma yenyo romo pier ario wi abic nuti, ku ng’eigi yo ba hekalu pa Yehova, man wang’gi yo nyangu; e giberwo ba ceng’ yo nyangu.

¹⁷Elund ewacu ira kumae, Ineno maeni, E wod dhanu? En e gin ma yot ni ot mi Yuda nia gitim ginmajudagu ma gitimo kuni? kum gipong’o ng’om ku rop, man gilokri kendo kara ginyai ng’ecwiny i ia: man, nen, giketho jang ba umgi.

¹⁸Ka kumeno an bende abitimo ku kwinyo; wang’a biweko ngo, kadok ngisi de binega ngo; man kadok giywak i itha ku dwandgi ma tek, ento abiwinjogi ngo.