Read Alur Wel 1 Bible Online

Wel 1 - Alur bible

Wel 1

¹Man Yehova yero ni Musa i langa mi Sinai, i hema mi cokri, i ceng’ ma kwong’a mi dwi mir arionde, i rundi mir arionde yo ng’ei ai i ng’om Misiri, ewacu kumae,

²Wugam wel mir udul ceke mi nyithindho mir Israel, ku ba wat migi ku ba wat migi, ku ba udi pa weggi ku ba udi pa weggi, calku wel nying’, ku ba co ku ba co, ku ba wie migi ku ba wie migi;

³ugambre kum ju ma rundi migi pier ario ku ma sagu, dhanu ceke ma copo cidho woko i lwiny i Israel, in wuku Harun de wubikwanugi ku bang’ udul migi ku bang’ udul migi.

⁴Man ng’atu acel mi suru kubang’e kubang’e bibedo karacelo kudu; ku ba juwiudi mi weggi.

⁵Man maeni gi nying’ dhanu ma bicungo karacelo kudu. Pa Ruben gi eni: Elizur ma wod Cedeur.

⁶Pa Simeon gi eni: Celumiel ma wod Zuricadai.

⁷Pa Yuda gi eni: Nacon ma wod Aminadab.

⁸Pa Isakar gi eni: Nethanel ma wod Zuar.

⁹Pa Zebulun gi eni: Eliab ma wod Helon.

¹⁰Mi nyithindho pa Yusuf gi eni: Pa Efraim: Elicama ma wod Amihud. Pa Manase: Gamaliel ma wod Pedazur.

¹¹Pa Benyamin gi eni: Abidan ma wod Gideoni.

¹²Pa Dan gi eni: Ahiezer ma wod Amicadai.

¹³Pa Acer gi eni: Pagiel ma wod Okran.

¹⁴Pa Gad gi eni: Eliasaf ma wod Deuel.

¹⁵Pa Naftali gi eni: Ahira ma wod Enan.

¹⁶Maeni gi dhanu mir udul ma julwong’ogi, gi judongomawijo mi suru pa weggi; gi juwi rubanga mir Israel.

¹⁷E Musa giku Harun gigamu dhanu maeni ma juweco pigi ku nying’gi:

¹⁸man gicoko udul ceke karacelo i ceng’ ma kwong’ane mi dwi mir arionde; man giyero pi dhanum’utuk migi calku wat migi, ku ba udi pa weggi ku ba udi pa weggi, calku wel mi nying’, m’ugambre kum ju ma rundi migi pier ario ku ma sagu, ku ba wie migi ku ba wie migi.

¹⁹Calu Yehova ng’olo ni Musa, e ekwanugi kumeca i langa mi Sinai.

²⁰Man nyithiundho pa Ruben, ma kayu pa Israel, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, ku ba wic migi ku ba wic migi, ku ba co ceke m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

²¹gi ju ma jukwanu welgi, mi suru pa Ruben, gi dhanu rubanga pier ang’wen wi abusiel ku dak abic.

²²Mi nyithindho pa Simeon, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, gi ju ma jukwanu welgi, calku wel mi nying’, ku ba wie migi ku ba wie migi, ku ba co ceke m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

²³gi ju ma jukwanu welgi, mi suru pa Simeon, gi dhanu rubanga pier abic wi abung’wen ku dak adek.

²⁴Mi nyithindho pa Gad, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma gicopo cidho woko i lwiny;

²⁵gi ju ma jukwanu welgi, mi suru pa Gad, gi rubanga pier ang’wen wi abic ku dak abusiel ku pier abic.

²⁶Mi nyithindho pa Yuda, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

²⁷gi ju ma jukwanu welgi, mi suru pa Yuda, gi dhanu rubanga pier abiro wi ang’wen ku dak abusiel.

²⁸Mi nyithindho pa Isakar, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel mi nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

²⁹gi ju ma jukwanu welgi, mi suru pa Isakar, gi dhanu rubanga pier abic wi ang’wen ku dak ang’wen.

³⁰Mi nyithindho pa Zebulun, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

³¹gi ju ma jukwanu welgi, mi suru pa Zebulun, gi rubanga pier abic wi abiro ku dak ang’wen.

³²Mi nyithindho pa Yusuf, thelembene, nyithindho pa Efraim, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo ddho woko i lwiny;

³³gi ju ma jukwanu welgi, mi suru pa Efraim, gi rubanga pier ang’wen ku dak abic.

³⁴Mi nyithindho pa Manase, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

³⁵gi ju ma jukwanu welgi, mi suru pa Manase, gi dhanu rubanga pier adek wi ario ku dak ario.

³⁶Mi nyithindho pa Benyamin, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

³⁷gi ju ma jukwanu welgi, mi suru pa Benyamin, gi dhanu rubanga pier adek wi abic ku dak ang’wen.

³⁸Mi nyithindho pa Dan, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

³⁹gi ju ma jukwanu welgi, mi suru pa Dan, gi rubanga pier abusiel wi ario ku dak abiro.

⁴⁰Mi nyithindho pa Acer, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’ m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

⁴¹gi ju ma jukwanu welgi, mi suru pa Acer, gi rubanga pier ang’wen wi acel ku dak abic.

⁴²Mi nyithindho pa Naftali, dhanum’utuk migi, ku ba wat migi ku ba wat migi, ku ba udi pa weggi ku ba udi pa weggi, calku wel nying’, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny;

⁴³gi ju ma jukwanu welgi, mi suru pa Naftali, gi rubanga pier abic wi adek ku dak ang’wen.

⁴⁴Maeni gi dhanu ma jukwanugi, ma Musa giku Harun gikwanu, ku judongomawijo mir Israel, ma gi dhanu apar wi ario: gibedo kubang’gi kubang’gi ng’atuman pi otpa won.

⁴⁵Kum kumeno dhanu ceke mi nyithindho mir Israel ma jukwanugi ku ba udi pa weggi ku ba udi pa weggi, m’ugambre kum ju ma rundi migi pier ario ku ma sagu, dhanu ceke ma copo cidho woko i lwiny i Israel:

⁴⁶en e dhanu ceke ma jukwanugi gi rubanga dak abusiel ku wi adek ku dak abic ku pier abic.

⁴⁷Ento jukwanu Julawi i kindgi ngo tok suru pa weggi.

⁴⁸Kum Yehova yero ni Musa, ewacu kumae,

⁴⁹Suru pa Lawi kende e ma ibikwanu ngo, kadok welgi de ibigamu ngo i kind nyithindho mir Israel;

⁵⁰ento iketh Julawi wi hema mi lembatuca, man wi jamnine ceke, man wi gin ceke ma jamnine: gibiyeyo hema, ku jamnine ceke; man gibitimo tim i kume, e gibigonjo i ng’et hema gbur.

⁵¹Man kinde ma hema biwotho Julawi bituge piny; man kinde ma jubiguro hemane, Julawi biting’e malu; man jawirok m’ucoro ceng’ni jubinege.

⁵²E nyithindho mir Israel gibiguro hema migi, ku ba dhanu ku ba dhanu ng’atuman ba gonjo pare gire, man ku ba dhanu ku ba dhanu ng’atuman bang’ abera pare gire, calkud udul migi.

⁵³Ento Julawi bigonjo i ng’et hema mi lembatuca gbur, kara kwinyo kud ubed wi udul mi nyithindho mir Israel: man Julawi bigwoko kur mi hema mi lembatuca.

⁵⁴E nyithindho mir Israel gitimo kumeca; calku gin ceke ma Yehova ng’olo ni Musa, gitimo kumeca.