Read Alur Wel 15 Bible Online

Wel 15 - Alur bible

Wel 15

¹Man Yehova yero ni Musa, ewacu kumae,

²Yer ni nyithindho mir Israel, man iwac igi kumae, Kinde ma wumondo i ng’om mi kabedo mu, m’amio iwu,

³man wuyenyo wutim lam ku mac ni Yehova, lam m’awang’a, kadi lam, kara wutim lembang’ola, kadi calu girathiera ma ku berocwiny, kadi i agba mu ma juketho, kara wutim ng’wic mido ma ng’ar ni Yehova, ku dhok, kadi kud udul rombe;

⁴ng’atu m’uthiero girathiera pare bilund thiero lam mi mogo ni Yehova mi ng’et mogo ma yom mir apaje ma i katoko m’ujebre ku ng’et mo mir ang’wende ma i amorpi:

⁵ku pigulok mi lam m’amadha, ng’ete mir ang’wende ma i amorpi, ibiyiko karacelo ku lam m’awang’a, kadi ni lam, mi nyithi rombe kubang’gi kubang’gi.

⁶Kadi mi nyog rombo, ibiyiko mi lam mi mogo ng’et mogo ma yom mir apaje ario ma i katoko m’ujebre karacelo ku ng’et mo mir adege ma i amorpi:

⁷man ni lam m’amadha ibithiero ng’et pigulok mir adege ma i amorpi, ni ng’wic mido ma ng’ar ni Yehova.

⁸Man kinde m’iyiko thwon dhiang’ ni lam m’awang’a, kadi ni lam, kara itim lembang’ola, kadi ni lam mi kwiocwiny ni Yehova;

⁹ebilund thiero karacelo ku thwon dhiang’ lam mi mogo mir apaje adek mi mogo ma yom ma i katoko m’ujebre ku ng’et mo ma i amorpi:

¹⁰man ibithiero ng’et pigulok ma i amorpi ni lam m’amadha, ni lam ma jutimo ku mac, ni mido ma ng’ar ni Yehova.

¹¹Jubitimo kumeno mi thwoni dhiang’ kubang’e kubang’e, kadi mi nyogi rombe kubang’e kubang’e, kadi mi nyithi nyogi rombe kubang’e kubang’e, kadi mi nyithi diegi.

¹²Calku wel ma wubiyiko, e wubitimo kumeca kubang’e kubang’e calku wel migi.

¹³Ju ma junyologi thugi ceke gibitimo gin maeni kumeni, ka githiero lam ma jutimo ku mac, ni mido ma ng’ar ni Yehova.

¹⁴Man tek jawirok ubedo ni umondo i beng’wu, kadi ng’atu ma tek ubedo i kindwu cil i dhanum’utuk mu ceke, man eyenyo ethier lam ma jutimo ku mac, ni mido ma ng’ar ni Yehova; calu wutimo, ebitimo kumeca.

¹⁵Cik acel bibedo iwu mi cokri, man ni jawirok m’ubedo ni umondo i beng’wu, en e cik ma nja cil ni dhanum’utuk mu: calu wubedo, umondo bibedo kumeca i wang’ Yehova.

¹⁶Cik acel man lembapoka acel bibedo iwu, man ni jawirok m’ubedo karacelo kudu.

¹⁷E Yehova yero ni Musa, ewacu kumae,

¹⁸Yer ni nyithindho mir Israel, man iwac igi kumae, Kinde ma wumondo i ng’om m’aterowu i ie,

¹⁹ebilund bedo nia, kinde ma wucamu cam mi ng’ombe, wubithiero lam m’ating’a ni Yehova.

²⁰Kum kwen mu ma kwong’a wubithiero kwen m’apada ni lam m’ating’a: calu lam m’ating’a mi lelacam, wubiting’e kumeca.

²¹Kum kwen mu ma kwong’a wubimio ni Yehova lam m’ating’a cil i dhanum’utuk mu ceke.

²²Man kinde ma wubikier, man wubiworo lembang’ola maeni ceke ngo, ma Yehova yero ni Musa,

²³en e gin ceke ma Yehova ng’olo iwu ni kum Musa, ugambre i ceng’ ma Yehova mio ie lembang’ola, man cil ni dhanmn’utuk mu ceke;

²⁴ebilund bedo, tek etimbre ma wung’eyo ngo, ma udul ung’eyo ngo, nia udul ceke bithiero thwon dhiang’ acel ni lam m’awang’a, ni ng’wic mido ma ng’ar ni Yehova, karacelo ku lam mi mogone, ku lam m’amadhane, calku lembapoka, man nyog diel acel ni lam mi dubo.

²⁵Man jalam bitimo adunya ni udul ceke mi nyithindho mir Israel, e jubiweko dubo migi; kum en e kier, man gikelo girathiera migi, lam ma jutimo ku mac ni Yehova, man lam migi mi dubo i wang’ Yehova, mi kier migi:

²⁶man jubiweko dubo mir udul ceke mi nyithindho mir Israel, man pa jawirok m’ubedo ni umondo i kindgi; kum ni dhanu ceke jutime ma jung’eyo ngo.

²⁷Man tek ng’atu acel udubo m’eng’eyo ngo, ebilund thiero vong’ diel ma rundine acel ni lam mi dubo.

²⁸Man jalam bitimo adunya ni ng’eyong’ec maeno m’ukier, kinde m’edubo m’eng’eyo ngo, i wang’ Yehova, kara etim adunya pire: e jubiweko dubo pare woko.

²⁹Wubibedo ku cik acel ni ng’atu m’utimo gin moko m’eng’eyo ngo, ni ng’atu ma junyolo thugi i kind nyithindho mir Israel, man ni jawirok m’ubedo ni umondo i kindgi.

³⁰Ento ng’eyong’ec m’utimo gin moko aka, tek junyole thugi kadi en e umondo, ng’atuno cido Yehova; e jubikabu ng’eyong’ec maeno woko ku ba juthugi.

³¹Kum ecayu lembe pa Yehova, man eturo lembang’ola pare, jubikabu ng’eyong’ec maeno woko ndhu; kier pare bibedo i wie.

³²Man kinde ma nyithindho mir Israel gini i langa, ginwang’u ng’atu acel ubekwanyu yen i ceng’ sabatu.

³³E ju m’unwang’e m’ebekwanyu yen gitere ba Musa giku Harun man bang’ udul ceke.

³⁴E giroye i kol, kum fodi jukung’olo ngo gin ma jubitimo i kume.

³⁵E Yehova wacu ni Musa kumae, Jubinego ng’atuno andha: udul ceke bicanye ku kidi yo ng’ei kagonjo.

³⁶E udul ceke gitere ng’ei kagonjo, man gicanye ku kidi m’etho; calu Yehova ng’olo ni Musa.

³⁷Man Yehova yero ni Musa, ewacu kumae,

³⁸Yer ni nyithindho mir Israel, man ing’ol igi nia guwor thondhruko igi i dhu kendi migi cil ni dhanum’utuk migi ceke, man nia giketh thol m’ulweku wi thondhruko mi dhoge kubang’e kubang’e:

³⁹man ebibedo iwu ni thondhruko, kara wunen i wie, man wupoi kum lembang’ola ceke pa Yehova, man wutimgi: man kara kud wulub tok adundewu giwu man weng’wu giwu, calu ma naka wutimo ko asara;

⁴⁰kara f wupoi man wutim lembang’ola para ceke, man wubed leng’ ni Mungu mu.

⁴¹An a Yehova Mungu mu, m’uwodhowu woko kud i ng’om Misiri, kara abed Mungu mu: an a Yehova Mungu mu.