Read Alur Wel 36 Bible Online

Wel 36 - Alur bible

Wel 36

¹Man wi udi pa wego mi wat mi nyithindho pa Gilead, ma wod Makir, ma wod Manase, mi wat mi wot Yusuf, gicoro ceng’ni, man giyero i wang’ Musa, man i wang’ judongomawijo, ma wi udi pa wego mi nyithindho mir Israel:

²e giwacu kumae, Yehova ng’olo ni rwoth para ya jumi ng’om ni aba ku gagi ni nyithindho mir Israel: man Yehova ng’olo ni rwoth para ya emi aba pa Zelofehad m’umegwa ni nyige.

³Man tek wot moko mi suru mange mi nyithindho mir Israel gigamugi, jubilund kabu aba migi woko ku bang’ aba pa wegwa, man jubimede bang’ aba mi suru ma gi migi: kum kumeno jubikabe woko ku ba gagi mir aba mwa.

⁴Man kinde ma juble (thelembene rundi pier abije) mi nyithindho mir Israel biwok, e jubilund medo aba migi bang’ aba mi suru ma gi migi: kurri kumeno jubikabu aba migi woko ku bang’ aba mi suru pa wegwa.

⁵E Musa ng’olo ni nyithindho mir Israel calku lembe pa Yehova, ewacu kumae, Suru mi wot Yusuf uyero dre.

⁶Maeni gin ma Yehova ng’olo pi nyig Zelofehad, ewacu kumae, Wek gigambri ku ju ma gifoyo; ndhu i kind wat mi suru pa weggi e gibigambri.

⁷Kum kumeno aba mi nyithindho mir Israel biai bidak ku ba suru ku ba suru ngo; kum nyithindho mir Israel bimoko kubang’gi kubang’gi bang’ aba mi suru pa weggi.

⁸Man nyir kubang’gi kubang’gi m’ubedo kud aba i suru moko mi nyithindho mir Israel, bibedo dhaku pa ng’atu acel mi wat mi suru pa won, kara nyithindho mir Israel kubang’gi kubang’gi ng’atuman ubed kud aba mi wego pare.

⁹Kum kumeno aba moko biai i suru acel bidak ba suru mange ngo; kum suru mi nyithindho mir Israel bimoko kubang’gi kubang’gi ng’atuman bang’ aba pare ma dhe.

¹⁰Cil calu Yehova ng’olo ni Musa, nyig Zelofehad gitimo kumeca:

¹¹kum Mala, ku Tirza, man Hogla, ku Milka, man Noa, ma nyig Zelofehad, gigomo

¹²Gigomo i kind wat mi wot Manase ma wod Yusuf; man aba migi dong’ i suru wat pa weggi.

¹³Maeni lembang’ola ku lembapoka ma Yehova ng’olo ni kum Musa ni nyithindho mir Israel i pambu mi Moab dhu migi dong’i suru mi wat pa weggi. Yordan ba Yeriko.