Read Alur Mika 6 Bible Online

Mika 6 - Alur bible

Mika 6

¹Wuwinj kawono gin ma Yehova wacu: Ai, ii i wang’ gudi, man wek ungulu gudi winj dwendi.

²Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel.

³E dhanu para, atimo ang’o i kumi? man aoli kud ang’o? tuc wia.

⁴Kum awodhi woko kud i ng’om Misiri, man aweri kud i ot mi ng’eca; man aoro Musa, ku Harun, man Miriem, i weng’i.

⁵E dhanu para, poi kawono pi lembe ma Balak m’ubimo mi Moab uporo, man lembe ma Balam ma wod Beor udwoko ire; wupoi ugambre Citim cil kum Gilgal, kara wung’ei tic ma pwe pa Yehova.

⁶Abibino i wang’ Yehova kud ang’o, man arum i wang’ Mungu ma malu? abibino i wang’e ku lam m’awang’a, ku nyithi dhiang’ ma rundigi acel aceli?

⁷mutoro binego Yehova kum nyogi rombe rubanga dupa, kadi kum kulo ma dongo mi mo rubanga apari? abimio kayu para pi gondri para, nying’ kuma pi dubo mi ng’eyong’ec para?

⁸Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

⁹Dwand Yehova ywak bang’ adhura, e dhanu mi rieko bineno nyingi: wuwinj dul, man ng’a m’ukethe.

¹⁰Fodi kakanpiny mi dubo nuti i ot pa jadubo, man katoko m’urem ma en e ginmajudagu?

¹¹Abibedo leng’ ku mukero mi dubo, man kud usau mi jampor mir abombi?

¹²Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

¹³Ka kumeno an bende agoi ku lero ma rac; man aketho ibedo kendi ni kum dubo peri.

¹⁴Ibicamu, ento ibiyeng’ ungo; man jwik peri bibedo i kindi: man ibiketho cen, ento ibibodho ngo; man maeno m’ibodho abimio ni palamularu.

¹⁵Ibicoyo, ento ibikayu ngo; ibinyono ulam, ento ibiwiri ku mo ngo; man mwoka mir ulok, ento ibimadhu pigulokne ngo.

¹⁶Kum cik pa Omri juworo, ku tic ceke mi ot pa Ahab, man wuwotho i lembapora migi; kara adwoki ni nyoth, man ju ma gibedo i iene ni cac; e wubiyeyo cac mi dhanu para.