Read Alur Nahum 2 Bible Online

Nahum 2 - Alur bible

Nahum 2

¹Ng’atu m’aturo nziki nziki eidho malu i wii: gwok ot ma tek, kur yo, dwok pieri tek, dwok tegoni tek apila.

²Kum Yehova dwoko dwong’ pa Yakobo, calu dwong’ mir Israel; kum juoi gioyogi woko, man ginyotho jang ulok migi.

³Judwoko ban mi dhanu ma tek pare kwar ngbo, dhanu ma jukero kendo kendi ma kwar ngbo: magali bogre ku nyunyu i ceng’ mi yikopiny pare, man jubewiro tong’ mi yen.

⁴Magali piembre i gengi; gicoro kun ku kun i yo ma lac: nen migi calu ridhro; giringo calu lukoth,

⁵Epoi kum weg yung pare: gipodho i piro migi; giringo ba gang’kidine, man girauma bedo ayika.

⁶Dhugang’ mi kulo ma dongo juyabu, man odker uloi.

⁷Man Huzab ubedo ayaba, jutere cen; man bong’ pare gicur acura calu dwand akuru, ma gidhongo ko korgi.

⁸Ento Nineve bedo calu kut mi pi m’ugambre con: ento giringo woko. Cungi, cungi, gilwong’o; ento ng’atu moko mbe m’uneno ng’eye.

⁹Ting’ ayeki mi mola ma tar, ting’ ayeki mi mola ma kwar; piny m’akanane thum ungo, dwong’ mi jamni ceke ma ber.

¹⁰Ie nanu, man uvuru, man nyoth; e adunde ng’oi ndiri, man cong utongre, can de ni i pier ceke, man wang’gi ceke miel.

¹¹Kabedo mir umvor ni kani, ku kacemo mi nyithindh umvor, ka ma thwon umvor ku min umvor wotho i ie, nyathin umvor, man ng’atu moko mbe ma nyayu lworo i igi?

¹²Umvor yeco nziki nziki ma romo nyithindhe, man edeyo ni meg umvor pare, man epong’o odng’om pare kud amaci, man kabedo pare ku ring’o.

¹³Nen, agoyo kora i kumi, Yehova mir udul uwacu, man abiwang’u magali pare i yiro, man palamularu bicamu nyithindh umvor peri; man abithumo amaci peri woko kud i ng’om, man dwand jukwenda peri biwinjre kendo ngo.