Read Alur Zekaria 10 Bible Online

Zekaria 10 - Alur bible

Zekaria 10

¹Wupenj koth ba Yehova i nindo mi koth ma cen, cil ba. Yehova m’utimo lukoth; man ebimio igi cori mi koth, ku ba dhanu nzu ng’atu man lum ma numu i podho.

²Kum ayi gin m’acwia giyero lembe ma ie nanu, man jung’eilembe gineno ndra; man giyero lek mi ndra, gijuko juk mananu: ka kumeno gicidho i yo migi calu rombe, jusendogi, kum jakwac umbe.

³Ng’ecwiny para bogre kum jukwac, man abimio masendi ba nyogi diegi; kum Yehova mir udul uliewo udul rombe pare, en e ot mi Yuda, man ebikethogi calu riuni pare ma ber i lwiny.

⁴Kidi ma wi gui biai i bang’e, musumali biai i bang’e, atum mir ali biai i bang’e, jubim kubang’gi nzu karacelo biai i bang’e.

⁵Man gibibedo calu dhanu ma tek, ma gibenyono jukwojgi i unzabu mi gengi i lwiny; man gibikiedo, kum Yehova ni karacelo kugi; man cwiny ju m’uwotho ku wi riuni bing’abre.

⁶E abimio tego ni ot mi Yuda, man abibodho ot pa Yusuf, e abidwokogi; kum kisa nega i kumgi; man gibibedo calu abayugi ngo: kum an a Yehova Mungu migi, man abiwinjogi.

⁷E Efraim bibedo calu jakero man anyong’a binego adundegi calu ku pigulok; eyo, nyithindho migi bineno maeni, man anyong’a binegogi; anyong’a binego adundegi ni kum Yehova.

⁸Abilwong’ogi ku lwio, e abicokogi; kum awarugi; man gibimedri calu gimedri.

⁹E abicoyogi i kind kodhidhanu; njan gibipoi pira i ng’om ma bor; man gibibedo ku nyithindhgi, e gibidwogo.

¹⁰Abikelogi kendo bende kud i ng’om Misiri, man abicokogi kud i Ascur; e abikelogi i ng’om Gilead man Lebanon; man kaka binwangre igi ngo.

¹¹Man ebikadhu kud i nam mi masendi, man ebigoyo mukura mi nam, e kut ceke mi Nil bidwono; man kuhaya mir Ascur bijwik piny, man uluth mi ker mi Misiri biai.

¹²E abimio tego igi i Yehova; man gibiwotho malu ku piny i nyinge, Yehova wacu.