Read Alur Zekaria 3 Bible Online

Zekaria 3 - Alur bible

Zekaria 3

¹Man enyutho ira Yocuwa ma jalam ma dit m’ubecungo wang’ malaika pa Yehova, man Jok m’ucungo i cinge ma yor acwic kara ebed jasend pare.

²Man Yehova wacu ni Jok kumae, Yehova juki, E Jok; eyo, Yehova m’ugoyo wi Yerusalem ujuki: maeni yen ma mac urewo ngo ma juwodho kud i maci?

³Nie Yocuwa kendo kendi m’ucido, man ecungo wang’ malaika.

⁴Man eloko lembe eyero ni ju m’ucungo i wang’e, ewacu kumae, Wuwodh kendi m’ucido kud i kume. Man ewacu ire kumae, Nen, akabu dubo peri kud i bertg’i man abironyi ku kendi ma ber.

⁵Man awacu kumae, Dong’ giketh jambwic ma leng’ i wie. Ka kumeni giketho jambwic ma leng’ i wie, man gironye ku kendi; e malaika pa Yehova cungo i vu te.

⁶Man malaika pa Yehova nyutho lembe ni Yocuwa, ewacu kumae,

⁷Yehova mir udul uwacu kumae: Tek ibiwotho i yo para, man tek ibikuro kur para, e ibipoko lembe bende kum ot para, man ibikuro lelagang’ para bende, man abimio iri kamondo i kind ju maeni m’ucungo ceng’ni.

⁸Kawono winji, E Yocuwa ma jalam ma dit, in ku juwedu m’ubedo i weng’i; kum gi dhanu ma gibedo ni giranyutha: kum, nen, abiwodho jatic para ma Jang.

⁹Kum, nen, kidi m’aketho i wang’ Yocuwa; wi kidi acel wang’ abiro nuti; nen, abing’iko ng’ikne, Yehova mir udul uwacu, man abikabu dubo mi ng’om maeno i ceng’ acel.

¹⁰I ceng’ maeca, wubilwongru ng’atuman ku wadi man ku wadi ther ulok man the yendubolo, Yehova mir udul uwacu.