Read Alur Zekaria 7 Bible Online

Zekaria 7 - Alur bible

Zekaria 7

¹Man etimbre i rundi mir ang’wende p’ubimo Dario, nia lembe pa Yehova wok ba Zekaria i ceng’ mir ang’wende mi dwi abung’wende, ma Kislev.[1]

²Nie dhanu mi Beth-el gioro Carezer man Regemmelek, ku dhanu migi, kara gikwai ngisi pa Yehova,

³man kara giwec ku julam mi ot pa Yehova mir udul, man ku jubila, giwac kumae, Maku aywak i dwi mir abije, m’akoira ko gira, calu abedatimo i rundi dupa maeni?

⁴Lembe pa Yehova mir udul ulund ubino i bang’a, m’uwacu kumae,

⁵Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira?

⁶Man ka wucamu, man ka wumadhu, wucamu iwu giwu ngo, man wumadhu iwu giwu ngo?

⁷Maku wuwinj lembe ma Yehova Lwong’o ku dhu jubila ma kwong’a ngo, ka dhanu bedo i Yerusalem man lembe bedo miero, kud adhurane m’utieke, man ng’om ma yor ariwa ma piny ku ng’om poga dhanu bedo i ie?

⁸Man lembe pa Yehova bino ba Zekaria, m’uwacu kumae,

⁹Yehova mir udul uyero kumeni, ewacu kumae, Tim lembapoka mandha, man nyuth bero ku ngisi ku ba dhanu nzu ng’atuman ni wadi man ni wadi;

¹⁰man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.

¹¹Ento gikwero winjo, man giloko ng’eigi, man gimio ithgi, kara ku giwinji,

¹²Eyo, giketho adundegi calu kidi ma tek, kara ku giwinj cik, ku lembe ma Yehova mir udul uoro ku Tipo pare ni kum jubila ma kwong’a: ka kumeno kwinyo ma dit uai ba Yehova mir udul.

¹³Man etimbre, kan elwong’o, man gikwero winjo, e gibilwong’o kumeca, man abiwinjo ngo, Yehova mir udul uwacu;

¹⁴ento abikethogi ku wavuvu i kind thek ceke ma fodi ging’eyo ngo. Ka kumeno ng’om ubedo ni uvuru i ng’eigi, ketho nia ng’atu moko mbe ma kadhu kud i ie kadi ma dwogo: kum gidwoko ng’om ma ber ni uvuru.