Read Alur Matayo 1 Bible Online

Matayo 1 - Alur bible

Matayo 1

¹Kitabu mi thekwaru pa Yesu Kristu, wod Daudi, wod Ibrahim.

²Ibrahim unyolo Isak; Isak ke nyolo Yakobo; Yakobo ke nyolo Yuda ku utumin mire;

³man Yuda nyolo Perez man Zera kor Tamar; Perez ke nyolo Hezron; Hezron ke nyolo Aram;

⁴Aram ke nyolo Aminadab; Aminadab ke nyolo Nahacon; Nahacon ke nyolo Salmon;

⁵Salmon ke nyolo Boaz kor Rahab; Boaz ke nyolo Obed kor Ruth; Obed ke nyolo Yese;

⁶Yese ke nyolo Daudi m’ubimo. Daudi ke nyolo Suleman kor dhaku ma yang’ p’Uria;

⁷Suleman ke nyolo Rehoboam; Rehoboam ke nyolo Abia; Abia ke nyolo Asa;

⁸Asa ke nyolo Yehocafat; Yehocafat ke nyolo Yoram; Yoram ke nyolo Uzia;

⁹Uzia ke nyolo Yotham; Yotham ke nyolo Ahaz; Ahaz ke nyolo Hezekia;

¹⁰Hezekia ke nyolo Manase; Manase ke nyolo Amon; Amon ke nyolo Yosia;

¹¹Yosia ke nyolo Yekonia ku utumin mire nindo ma gidak Babeli.

¹²Yo ng’ei dak ma Babeli Yekonia nyolo Cealtiel; Cealtiel ke nyolo Zerubabel;

¹³Zerubabel ke nyolo Abihud; Abihud ke nyolo Eliakim; Eliakim ke nyolo Azor;

¹⁴Azor ke nyolo Sadok; Sadok ke nyolo Ahim; Ahim ke nyolo Eliud;

¹⁵Eliud ke nyolo Eleazar; Eleazar ke nyolo Matan; Matan ke nyolo Yakobo;

¹⁶Yakobo ke nyolo Yusuf ma cwar Mariamu, m’unyolo Yesu, ma julwong’o Kristu.

¹⁷Kum kumeno thekwaru ceke m’ugambre kum Ibrahim utundo kum Daudi gi thekwaru apar wi ang’wen; m’ugambre de kum Daudi utundo kum dak ma Babeli de gi thekwaru apar wi ang’wen; m’ugambre kum dak ma Babeli de utundo kum Kristu gi thekwaru apar wi ang’wen.

¹⁸Nwang’u nyol pa Yesu Kristu bedo kumae; Kinde ma min mire ma Mariamu Yusuf umaku benyome, ka fodi gibino karacelo ngo junwang’u egamu ic ku Tipo Maleng’.

¹⁹Yusuf de ma cware, kum en e ng’atu ma pwe, eyenyo ngo nia enyai lewic i wie i wang’ dhanu, e ie pido ya ekethe cen ling’.

²⁰Ento ka ie pido kum lembe maeni, nen, malaika pa Rwoth uwok i bang’e ku wang’ lek ewacu kumae, Yusuf, i wod Daudi, lworo kud unegi nigamu Mariamu ma dhaku peri i beng’i: kum maeno m’egamu i ie en e pa Tipo Maleng’.

²¹Man ebinyolo nyathin ma nico; e ibilwong’o nyinge Yesu; kum en e ng’atu ma bilaru dhanu pare kud i dubo migi.

²²Nie maeni ceke timbre, kara lembe ma yang’ Rwoth uyero ku dhu jubila timbre kakare, m’uwacu kumae,

²³Nen, nyaku ma sumba ma ng’won bibedo ku ic, man ebinyolo nyathin ma nico, Man gibilwong’o nyinge Imanuel; thelembene, ka juloke, Mungu wakugi.

²⁴Yusuf uai ku wang’ nindo pare, etimo de calu malaika pa Rwoth ung’olo ire, e egamu cege gire;

²⁵man eng’eye ngo ma fodi k’enyolo nyathin ma nico ngo: man elwong’o nyinge Yesu.