Read Alur Poi Mi Cik 30 Bible Online

Poi Mi Cik 30 - Alur bible

Poi Mi Cik 30

¹Man ebitimbre, kinde ma gin maeni ceke daru wok i kumi, mugisa ku kwong’, m’aketho i weng’i, man ibipoi pigi i kind thek ceke, ka ma Yehova Mungu peri riemi i ie,

²man ibidwogo ba Yehova Mungu peri, man ibiworo dwande calku gin ceke m’ang’olo iri tin, in ku nyithindho peri, kud adundeni ceke, man ku ng’eyong’ec peri ceke;

³nia Yehova Mungu peri bilund loko ng’eca peri, man ngisi binege i kumi, man ebidwogo ebicoki ku ba kodhidhanu ceke, ka ma Yehova Mungu peri leli i ie.

⁴Tek juperi moko ma jubayu ubedo ng’et polo ma wi tung’, Yehova Mungu peri bicoki ku kuca, man ebikeli ku kuca:

⁵e Yehova Mungu peri biteri i ng’om ma kwaru mwonyo, e ibimwonye; man ebitimi ber, e ebimedi ma sagu kwaru.

⁶E Yehova Mungu perf bitimo yaa kum adundeni, man kum adunde kodhini, kara imar Yehova Mungu peri kud adundeni ceke, man ku ng’eyong’ec peri ceke, kara ibed kwo.

⁷E Yehova Mungu peri biketho kwong’ maeni ceke wi judegini, man wi ju m’udegi, m’unyayu ragedo i kumi.

⁸E ibidwogo man ibiworo dwand Yehova, man ibitimo lembang’ola pare ceke m’ang’olo iri tin.

⁹E Yehova Mungu peri bimedo iri tic ceke mi cingi, kum kodhi m’i ii, man kum kodhi mi lim peri, man kum nying’ ng’om peri, mi bero: kum anyong’a binego Yehova i wii kendo mi bero, calu anyong’a nege kum kwaru;

¹⁰tek ibiworo dwand Yehova Mungu peri, mi gwoko lembang’ola pare ku cik pare m’ukieure i kitabu maeni mi cik; tek ilokri ba Yehova Mungu peri kud adundeni ceke, man ku ng’eyong’ec peri ceke.

¹¹Kum lembang’ola maeni m’ang’olo iri tin, ubedo tek iri m’usagu ngo, kadi e bor ma ngbir de ngo.

¹²En e i polo ngo, ma nia iwac kumae, Ng’a ma biidho malu i polo iwa, man ebikele iwa, m’ebiketho wawinje de, kara watime?

¹³Kadi en e loka nam ungo, ma nia iwac kumae, Ng’a ma bicidho loka nam iwa, m’ebikele iwa, man ebiketho wawinje, kara watime?

¹⁴Ento lembe ni ceng’ni i beng’i kpr, i dhogi, man i adundeni, kara itime.

¹⁵Nen, tin aketho kwo ku bero i weng’i, man tho ku dubo;

¹⁶kum ang’olo iri tin ya imar Yehova Mungu peri, ya iwoth i yo pare, man igwok lembang’ola pare ku cik pare man lembapoka pare, kara ibed kwo man imedri, man kara Yehova Mungu peri mi mugisa iri i ng’om m’icidho i ie nimwonye.

¹⁷Ento tek adundeni lokre cen, man ibiwinjo ngo, ento ipeiri cen, man irwo ni mungu mange, itim igi de;

¹⁸apoi tin, nia wubirwinyo andha; wubiketho nindo mu ton i ng’om ungo, m’ikadhu ko Yordan kara imond nimwonye.

¹⁹Alwong’o polo ku ng’om ubed jumulembe i kumwu tin, nia aketho kwo ku tho, mugisa ku kwong’ i weng’i: ka kumeno foi kwo, kara ibed kwo, in ku nyikwei;

²⁰mi maru Yehova Mungu peri, mi woro dwande, mi moko i kume de; kum en e kwo peri, man kabor mi nindo peri; kara ibed i ng’om ma Yehova kwong’o ni kwaru, ni Ibrahim, man ni Isak, man ni Yakobo, ya ebimio igi.