Read Alur Yohana 3 Bible Online

Yohana 3 - Alur bible

Yohana 3

¹Nie ng’atu acel nuti mi Jufarisayo, ma nyinge Nikodemo, en e jabim mi Juyahudi:

²ng’atuni bino i bang’e ku diewor, ewacu ire kumae, Japonji, wang’eyo nia in i japonji m’uai ba Mungu: kum ng’atu acel de mbe ma copo timo giranyutha maeni m’itimo, tek Mungu mbe kude.

³Yesu dwoko lembe ewacu ire kumae, Andhandha, awacu iri kumae, Tek junyolo dhanu nyen ungo, ecopo neno ker pa Mungu ngo.

⁴Nikodemo wacu ire kumae, Jucopo nyolo dhanu kan eti nenedi? ecopo mondo i min wang’ arionde, kan enyole?

⁵Yesu dwoko lembe kumae, Andhandha, awacu iri kumae, Tek jukunyolo dhanu ku pi ku Tipo de ngo, ecopo mondo i ker pa Mungu ngo.

⁶Gin ma junyolo ku kum en e kum; man gin ma junyolo ku Tipo de en e tipo.

⁷Ii kud uwang’ lii kum awacu iri kumae, Jubikonyolowu kendo be.

⁸Yamu koto yo ku m’eyenyo, man i winjo dwande de ento ing’eyo ngo ka m’eai i ie, ing’eyo de ngo ka m’ecidho i ie, dhanu ceke kubang’gi ma junyolo ku Tipo bedo kumeno.

⁹Nikodemo dwoko lembe man ewacu ire kumae, Gin maeni copo timbre nenedi?

¹⁰Yesu loko lembe man ewacu ire kumae, In i japonji mir Israel, man ing’eyo gin maeni ngo?

¹¹Andhandha, awacu iri kumae, Wayero pi gin ma wang’eyo, man wanyutho pi gin ma waneno; wun re wujolo lembanyutha mwa ngo.

¹²Tek ayero iwu pi gin m’i ng’om man wuyio ngo, wubiyio nenedi tek ayero iwu pi gin m’i polo?

¹³Ng’atu moko mbe m’uidho i polo, ndhu ng’atu m’uloro kud i polo, en e Wod dhanu, ma eni i polo.

¹⁴Man calu yang’ Musa ting’o thwol malu i yamba, e kumeno jubikoting’o Wod dhanu malu be;

¹⁵kara ng’atu ma tek uyio ubed ku kwo ma rondo ku rondo ni kume.

¹⁶Kum Mungu maru ng’om mumbe, ketho emio Wode kulong’, kara ng’atu ma tek uyie kud erwiny ki, endre ebed ku kwo ma rondo ku rondo.

¹⁷Kum Mungu oro Wode i ng’om ungo ya upok lembe m’i ng’om rac; endre kara ng’om uboth ni kume.

¹⁸Ng’atu m’uyie lem pare pokre ngo: ng’atu m’uyio ngo lem pare daru pokre rac, kum eyio nying Wod Mungu kulong’ ungo.

¹⁹Maeni de lembapoka, ya der ubino i ng’om, man dhanu gimaru mudho ma sagu der; kum tic migi rac.

²⁰Kum dhanu ceke kubang’gi ma gitimo rac gidagu der, gibino de ngo ba der, kara kujujuke kum tic pare.

²¹Endre ng’atu m’utimo lemandha bino ba der, kara tic pare nyuthre, nia gitimbri i Mungu.

²²Yo ng’ei gin maeni Yesu ku julubne gibino i ng’om Yahudi; erio keca gikugi, man emio baputisi.

²³Yohana bende bemio baputisi i Ainon ma kago ku Salim, kum pi dupa nuti keca: e gibino, gimaku baputisi.

²⁴Kum fodi jukubolo Yohana i odkol ungo.

²⁵Ka kumeno penji nyai i kind julub Yohana ku Juyahudi pi logo.

²⁶Gibino de ba Yohana, giwacu ire kumae, Japonji, en ma naka wubedo wukude loka Yordan, m’inyutho pire, nen, ng’atuni mio baputisi, dhanu ceke de gibino i bang’e.

²⁷Yohana loko lembe ewacu kumae, Ng’atu moko copo jolo gin moko ngo, tek emire ire kud i polo ngo.

²⁸Wun giwu wunyutho pira, nia awacu kumae, An a Kristu ngo, ento, ya juora i wang’e.

²⁹Ng’atu m’ubedo ku mugole en e cwar mugole: ento jarim cwar mugole, m’ucungo m’uwinje de, anyong’a kwa nege kum dwand cwar mugole: ka kumeno anyong’a maeni timbre kakare.

³⁰Ebikosagre be, ento an abikojwik be.

³¹Ng’atu m’uai malu esagu ceke; ng’atu m’i ng’om en e m’i ng’om, man eyero pi gin m’i ng’om: ng’atu m’uai i polo esagu ceke.

³²Gin maeni m’eneno m’ewinjo de, mi maeno enyutho; ng’atu moko mbe de ma jolo lembanyutha pare.

³³Ng’atu m’ujolo lembanyutha pare emwono ayine kum maeni nia Mungu en e andha.

³⁴Kum ng’atu ma Mungu oro yero lembe pa Mungu: kum Mungu mio Tipo pa Mungu: kum Mungu mio Tipo ku mukero ngo.

³⁵Wego maru Wod, man emio gin ceke i cinge.

³⁶Ng’atu m’uyio Wod ebedo ku kwo ma rondo ku rondo; ento ng’atu m’uworo Wod ungo bineno kwo ngo, ento kwinyo pa Mungu ni i wie.