Read Alur Yohana 4 Bible Online

Yohana 4 - Alur bible

Yohana 4

¹Ka kumeno ka Rwoth ung’eyo nia Jufarisayo giwinjo ya Yesu ketho julubne ma sagu pa Yohana emio igi baputisi de,

²(kadok Yesu en emio baputisi ngo, endre julubne),

³eweko Yahudi, man ecidho kendo Galilaya.

⁵Ka kumeno ewok i adhura acel mi Samaria, ma julwong’o Sukar, ceng’ni ng’om ma Yakobo mio ni wode ma Yusuf:

⁶man kulo pa Yakobo de ni kakeno. Ka kumeno, Yesu m’uol ku woth pare, ubedo kumeno dhu kulo. Nwang’u saa yenyo romo mir abusiende.

⁷Dhaku ma Samaria bino twomo pi: Yesu wacu ire kumae, Mi ira amadhi.

⁸Kum julubne ci ng’iewo cam i adhura.

⁹Ka kumeno dhaku ma Samaria wacu ire kumae, Ebedo nenedi ma in m’i Jayahudi, e m’idong’ ikwayu pi i bang’a e, ma an ke a dhaku mi Samaria? (Kum Juyahudi giribri ngo ku Jusamaria).

¹⁰Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

¹¹Dhakune wacu ire kumae, Rwoth, gin moko mbe i beng’i m’itwom ko, man kulone de thuth: ka kumeno inwang’u pi mi kwo maeni kani?

¹²I dit ma sagu kwaruwa ma Yakobo, m’emio iwa kulo, ma en de emadhu pige, ku wote, man lim pare?

¹³Yesu dwoko lembe ewacu ire kumae, Ku ba dhanu ceke m’umadhu pi maeni rieu binege kendo:

¹⁴ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

¹⁵Dhaku wacu ire kumae, Rwoth, mi ira piguno, kara rieu kud unega, kadi kud abin atwom bor kuni.

¹⁶Yesu wacu ire kumae, Cidhi, ilwong’ cweri, e kan idwog keni.

¹⁷Dhakune dwoko lembe ewacu ire kumae, Cwara mbe. Yesu wacu ire kumae, Iwacu dre kumae, Cwara mbe:

¹⁸kum naka ibedo ku cogi abic; man ng’atu m’ibedo kude kawono de en e cweri ngo: maeni iwacu andha.

¹⁹Dhakune wacu ire kumae, Rwoth, aneno in i jabila.

²⁰Naka kwaruwa girwo wi goduni; enke wuwacu, nia Yerusalem e ma ka ma maku jurwo i ie.

²¹Yesu wacu ire kumae, Dhaku, yia, saa bino, ma wubirwo ie ni Wego wi goduni ngo, kadok i Yerusalem de ngo.

²²Wurwo ni gin ma wung’eyo ngo: wan re warwo ni gin ma wang’eyo; kum both uai ba Juyahudi.

²³Ento saa bino, man enuti kawono, ma ju ma jurwo mandha gibirwo ni Wego i tipo man i lemandha: kum Wego yenyo wagi ju maeni e ma gibed jurwo ire.

²⁴Mungu en e Tipo: man ju m’urwo ire gikogirwo be i tipo man i lemandha.

²⁵Dhakune wacu ire kumae, Ang’eyo ya Masia bebino (ng’atu ma julwong’e Kristu): kan ebino, ebiyero iwa pi gin ceke.

²⁶Yesu wacu ire kumae, An m’ayero iri nini an a en.

²⁷I wi maeni julubne gibino; e igi wang’ lii kum ebeweco ku dhakune; ento ng’atu moko mbe m’uwacu kumae, Iyenyo ang’o? kadi, Nedi wuweco kude?

²⁸Kum kumeno dhakune weko agulu pare, man eai ecidho i adhura, ewacu de ni dhanu kumae,

²⁹Wubin, wunen ng’atu m’uyero ira pi gin ceke ma naka atimo: maeni copo bedo Kristu?

³⁰Giai i adhura ma gibino ko i bang’e.

³¹I kinde maeni julubne gikwaye, giwacu kumae, Japonji, cam cemo.

³²Ento ewacu igi kumae, Cam para nuti mir acama ma wung’eyo ngo.

³³Ka kumeno julubne giweco i kindgi kumae, Ng’atu moko kelo ire giracama moko?

³⁴Yesu wacu igi kumae, Cemo para en e timo yeny ma i ng’atu m’uora yenyo, ku daru tic pare bende.

³⁵Wuwacu ngo, Fodi dwi dong’ ang’wen, ka kakaicam biwoki? nen, awacu iwu kumae, Wung’ai weng’wu malu, wunen pothi, ya gidaru thwo mir akaya.

³⁶Ng’atu m’ukayu enwang’u sukulia, man ecoko nying’ ni kwo ma rondo ku rondo; kara ng’atu m’ucoyo ku ng’atu m’ukayu de anyong’a neggi karacelo.

³⁷Kum i maeni lembawaca en e andha kumae, Ng’atu acel ucoyo, ng’atu mange ke kayu.

³⁸Aorowu rnkayu maeno ma wumulu ku tic i kume ngo: jumange gimuli ku tije, wun de wumondo i muli mi tic migi.

³⁹Man dhanu mi Jusamaria dupa ma i adhura maeni giyie ni kum lembe pa dhakune, m’etuco kumae, Eyero ira gin ceke ma naka atimo.

⁴⁰Kum kumeno ka Jusamaria bino i bang’e, gikwaye ya gibed gikugi: man erio keca ceng’ ario.

⁴¹Dhanu mange de dupa giyio kum lem pare;

⁴²e giwacu ni dhakune kumae, Kawono wayio ni kum wec peri ngo: kum wawinjo giwa, e wang’eyo nia maeni en e Jabodh mi ng’om andha.

⁴³Yo ng’ei ceng’ ario eai kuca ecidho i Galilaya.

⁴⁴Kum Yesu en etuco ya jabila mbe ku yung i ng’om pare gire.

⁴⁵Kum kumeno kan ebino i Galilaya, Jugalilaya gijole, ma gidaru neno gin ceke m’etimo i Yerusalem i agba kum gin bende gicidho i agba.

⁴⁶Elund ebino kendo i Kana mi Galilaya, ka m’eloko ie pi doko ni pigulok. Nwang’u jakal moko p’ubimo nuti ma kum wode lith i Kapernaum.

⁴⁷Kan ewinjo nia Yesu ai i Yahudi ebino i Galilaya ecidho i bang’e, man ekwaye ya elor piny, ekei kum wode; kum e ceng’ni tho.

⁴⁸E Yesu wacu ire kumae, Tek wuneno giranyutha ku musana de ngo, wubiyio ki ngo.

⁴⁹Jakal p’ubimo wacu ire kumae, Rwoth, lor piny ma fodi nyathin para ku tho ngo.

⁵⁰Yesu wacu ire kumae, Cidh i yo peri; wodi bedo kwo. Ng’atuno yio lembe ma Yesu wacu ire, man ecidho i yo pare.

⁵¹Kan ebeloro piny, erombo ku jumiru pare, ma giwacu ire nia wode bedo kwo.

⁵²Kum kumeno epenjogi pi saa ma kume maku kei i ie. Giwacu ire kumae, Nyaworo i saa mir abirone e kume m’ucek uweke.

⁵³Kum kumeno won ung’eyo nia en e saa ma Yesu wacu ie lembe ire kumae, Wodi bedo kwo: e en gire eyio, ku juode kpo.

⁵⁴Maeni giranyutha mir arionde kendo ma Yesu timo, kan eai i Yahudi ecidho Galilaya.