Read Alur Jurumi 14 Bible Online

Jurumi 14 - Alur bible

Jurumi 14

¹A Ento ng’atu ma ng’ic i yioyic wujole, endre ku lembapoka mi piem ungo.

²Ng’atu acel yioyic pare nuti m’ecamu ko giki ceke; ento ng’atu ma ng’ic re nang’u dek.

³Dong’ ng’atu ma camu kud ecai ng’atu ma camu ngo; man ng’atu ma camu ngo kud epok lembe pa ng’atu ma camu: kum Mungu daru jole.

⁴In i ng’a m’ipoko lembe wi jatic pa ng’atu mange e? ni Rwoth pare gire ecungo kadi epodho. Eyo, jubiketho ecungo: kum Rwoth tego pare nuti m’eketho ecungo ko.

⁵Ng’atu acel ketho ceng’ acel bedo dit ma sagu wi wadi: ng’atu mange ke ketho ceng’ ceke bedo calacel. Ku ba dhanu ku ba dhanu dong’ ng’atuman ung’ei cu i pidoie gire.

⁶Ng’atu ma kwiro ceng’, ekwire ni Rwoth: man ng’atu ma camu, ecamu ni Rwoth, kum emio foyofoc ni Mungu; man ng’atu ma camu ngo, ecamu ngo ni Rwoth, man emio foyofoc ni Mungu.

⁷Kum ng’atu moko mbe i kindwa ma bedo ire gire, ng’atu moko mbe de ma tho ire gire.

⁸Kum kadok wabedo, wabedo ni Rwoth; kadi kadok watho de, watho ni Rwoth: ka kumeno kadok wabedo, kadi watho, wan wa pa Rwoth.

⁹Kum pi lembe nini Kristu tho man ecer kendo, kara ebed Rwoth mi ju m’utho ku ju ma kwo bende.

¹⁰Ento in, ipoko lembe wi umeru pirang’o? kadi in kendo, icayu umeru pirang’o? kum kawa ceke wabicungo nyim kom mi pokolembe pa Mungu.

¹¹Kum egore kumae, Calu abedo, Rwoth uwacu, cong ceke kubang’e kubang’e birum ira, Man leb ceke kubang’e kubang’e bipaku Mungu.

¹²Kum kumeno ku ba dhanu ceke m’i kindwa ng’atuman biyero pire gire ni Mungu.

¹³Ka kumeno ku wapoku lembe kendo ma nia ng’atuman upok lembe wi wadi man wi wadi: endre ma sagu wupok lembe mae, nia ng’atu moko kud uketh gin ma redho jo i yo p’umin, kadi kaka ma jupodho i ie.

¹⁴Ang’eyo, man ang’eyo andhandha i Rwoth Yesu, ya gin moko mbe ma cido gire kende: ndhu ni ng’atu m’ukwanu gin moko ya ecido, e ire ecido.

¹⁵Kum tek can unego wedu kum cemo, meca iwotho kendo i mer ungo. Kud inyoth ng’atu ma Kristu tho pire ku cemo peri.

¹⁶Ka kumeno kud iyi juyer pi bero peri ku rac;

¹⁷kum ker pa Mungu en e camu giracama man madhu giramadha de ngo, endre bedopwe man kwiocwiny kud anyong’a i Tipo Maleng’.

¹⁸Kum ng’atu m’utimo ni Kristu i maeni enyayu mutoro ni Mungu man dhanu foye.

¹⁹Kum kumeno dong’ walubu tok gin ma ketho kwiocwiny, man gin ma watengra ko i kume.

²⁰Kud inyoth tic pa Mungu pi giracama. Gin ceke gi leng’ andha; ento en e dubo ni ng’atu m’ucamu ku kier.

²¹En e ber nicamu ring’o ngo, kadi madhu pigulok, kadi timo gin moko m’umeru kier i kume.

²²Yioyic m’ibedo ko, bed kude giri i wang’ Mungu. Anyong’a ni ng’atu m’upoko lembe pare gire rac ungo i gin maeno m’eyio.

²³Ento ng’atu ma tek ucamu ma cwinye ni jiji lembapoka ma rac ni i wie, kum ecamu ma yioyicne mbe; man gin ma tek en e mi yioyic ungo en e dubo.