Read Alur 1 Jukorinto 8 Bible Online

1 Jukorinto 8 - Alur bible

1 Jukorinto 8

¹Nie pi gin ma julamu ni ayi gin m’acwia: wang’eyo nia kawa ceke wa weg ng’eyong’ec. Ng’eyong’ec ketho jutingri, endre mer ketho juteng’ni ateng’a.

²Tek ng’atu moko ie wacu nia eng’eyo gin moko, meca fodi eng’eyo ngo ma calu maku eng’ei;

³endre tek ng’atu moko maru Mungu, e ng’atuno Mungu ng’eye.

⁴Kumeno de pi camu gin ma julamu ni ayi gin m’acwia, wang’eyo nia ayi gin m’acwia en e gin moko ngo i ng’om, man ke Mungu acel kende mange mbe.

⁵Kum kadok moko nuti ma julwong’ogi ya mungu, kadok i polo kadi i ng’om, calu mungu m’araga gi dupa, man rwodhi de gi dupa,

⁶ento iwa re Mungu en e acel, ma Wego, ma gin ceke ai i bang’e, ku wan bende i bang’e; man ke Rwoth acel, ma Yesu Kristu, ma gin ceke bedo ni kume, wan bende nikume.

⁷Ento ng’eyong’ec maeno ni i dhanu ceke ngo: ento jumoko, ma ging’io kud ayi gin m’acwia cu ku kawono nini, gicamu calu y a gicamu gin ma julamu ni ayi gin m’acwia; e pidocwinygi ma ng’ic ca cido.

⁸Ento cemo dwoko wa ber en i wang’ Mungu ngo: kadok, tek wacamu ngo, wakubed rac ma sagu ngo; kadok, tek wacamu, wakubed ber ma sagu ngo.

⁹Ento wubed ku weng’wu tego mu maeni maru doko ni gin ma redho jo ni ju ma ng’ic;

¹⁰kum tek ng’atu moko neni m’i won ng’eyong’ec m’ibedo dhu cemo i hekalu mir ayi gin m’acwia, e ng’atu ma tek e ng’ic nica pidocwinye bidoko tek m’ecamu ko gin ma julamu ni ayi gin m’acwia ca ngo?

¹¹Kum ni kum ng’e yong’ec peri ng’atu ma ng’ic nica erwinyo, en e umego ma Kristu tho pire.

¹²E kumeno, ka wudubo kum umego, man wucobo pidocwinygi ma nwang’u e ng’ic, meca wudubo kum Kristu.

¹³Kum kumeno, tek cemo ketho wada kier, abicamu ring’o ngo cil rondo ku rondo, kara kud aketh wada kier.