Read Alur 2 Jukorinto 13 Bible Online

2 Jukorinto 13 - Alur bible

2 Jukorinto 13

¹Maeni wang’ adek m’abebino ko i beng’wu. Ku dhu jumulembe ario kadi adek lembe ceke bicungo.

²Alar ayero iwu, man alar abeyero, calu kinde m’anuti i beng’wu mir arionde, e kawono bende, m’ambe, ni ju ma gilar gidubo man ni dhanu ceke m’udong’ de, nia, tek awok kendo, abiweko ng’olo lembe migi ngo;

³kum nwang’u wubeyenyo giranyutha pa Kristu m’ubeyero i ia; ma ku yor i beng’wu en e ng’ic ungo, endre e tek i iwu:

⁴kum jugure i ng’ic, endre ebedo kwo ni kum tego pa Mungu. Kum wan bende wa ng’ic i ie, endre wabibedo kwo wakude ni kum tego pa Mungu yor i beng’wu.

⁵Wumulu giwu, tek wuni i yioyic; wuponjru giwu. Kadi wung’eyo ngo piwu giwu, ya Yesu Kristu ni i iwu? tek ebedo andha ma jukukwerowu ngo.

⁶Ento ageno ya wubing’eyo nia wan wa ju ma jukwerowa ngo.

⁷Nie waberwo ni Mungu kara kud wudubi; ma nia wanyuthra ko ngo ya jufoiwa, endre kara wutim maeno ma mi yung, kadok wabedo calu ju ma jukwero.

⁸Kum wacopo timo gin moko ngo ma wacer ko lemandha, ento pi lemandha re,

⁹Kum anyong’a negowa, kinde ma wa ng’ic e wun wu tek: maeni bende wakwayu pire, cil dokocu mu.

¹⁰Kum lembe nini agoro gin maeni kan ambe, kara kan anuti kud atim iwu ku kwinyo, calku tego ma Rwoth umio ira mi gomogom, man pi bamu abama re ngo.

¹¹Aha a, umego, dong’ wubedi. Wudok ndhu cu; wujulau; wubed ku pidoic acel; wubed i kwiocwiny: man Mungu mi mer ku kwiocwiny de bibedo kudu.

¹²Wumothru ku cwiocwic ma leng’.

¹³Jumaleng’ ceke gimothowu.

¹⁴Bero pa Rwoth Yesu Kristu, ku mer pa Mungu, man ribri pa Tipo Maleng’, ubed i beng’wu kpo.