Read Alur 2 Jukorinto 9 Bible Online

2 Jukorinto 9 - Alur bible

2 Jukorinto 9

¹Man pi timotim ma ni jumaleng’, can goro iwu nega ngo:

²kum ang’eyo amora mu, m’alulo pire i kumwu ni ju ma Makedoni, ya Akaya gamu bedo ayika rundi acel m’ukadhu; man amora mu ketho kindgi dupa yepo.

³Ento aoro umego, kara kulula mwa m’i kumwu kud udok mananu i lembe nini; kara, cil calu awacu, wubed ayika:

⁴kara tek wabino waku jumoko m’i Makedoni, wanwang’u fodi wubedo ayika ngo de, (e wawacu wun ungo) ere wan lewic kud ubin umakwa i yo moko kum genogen maeni.

⁵Ka kumeno ia pido ya emaku piny ya akoakwai umego be, ya gilar gicidh i beng’wu, gilar gicok giramia mu ma wular wung’olo, man kara ebed ayika calu en e ajok, man kud amaci de ngo.

⁶Ento ayero maeni, ng’atu m’ucoyo ku mutwi ebikayu de ku mutwi; man ng’atu m’ucoyo ku mwora ebikayu de ku rawora.

⁷Dong’ dhanu ceke kubang’gi kubang’gi ng’atuman utim calu ekeco ku i adundene: ku minowang’ ungo, kadi kum acung’a de ngo: kum Mungu maru jamic ma mio kud anyong’a.

⁸Man Mungu copo dwoko bero ceke sagre iwu; kara wun, ma wubedo kudo m’uromowu pet kum gin ceke, wusegru ni tic ceke ma ber kubang’e kubang’e:

⁹calu egore kumae, Elalu mba, emio ni jucan: Bedopwe pare bedo rondo ku rondo.

¹⁰Man ng’atu m’umio kodhi ni jacoikodhi, ku kwen mi cemo, ebimio man ebimedo kodhi mu mir acoya, man ebinyayu nying’ bedopwe mu:

¹¹wun ma wucikubelony ku gin ceke ni miomic ceke ma ku berocwiny, m’utimbre ni kumwa ukelo foyofoc ni Mungu.

¹²Kum timotim mi tic maeni upong’o mukero mi can ma ni i kum jumaleng’ kende ngo, ento esagre bende ni kum foyofoc dupa ni Mungu;

¹³kum ni kum mulo iwu ku timotim maeni giyungo Mungu kum woro mu mi tuc ma wutuco ni lembanyong’a pa Kristu ma juboth ko, man kum mic ma ku berocwiny mir ajok mu igi man ni ceke:

¹⁴kinde ma gin gigi bende, ku kwac ma gikwayu i kumwu, ava wu benegogi ni kum bero ma apila pa Mungu ma ni i iwu.

¹⁵Foyofoc ubed ni Mungu kum giramia pare ma sagu ma aweca.