Read Alur Jugalatia 1 Bible Online

Jugalatia 1 - Alur bible

Jugalatia 1

¹Paolo, jakwenda (ma dhanu ketho re Jngo, kadi ni kum dhanu de ngo, ento ni kum Yesu Kristu, man Mungu ma Wego, m’uting’e kud i kind ju m’utho),

²wakud umego ceke de ma wanuti wakugi, ni kanisa mi Galatia:

³Bero iwu ku kwiocwiny m’uai ba Mungu ma Wego, man Rwoth mwa Yesu Kristu,

⁴m’umire gire kum dubo mwa, kara elarwa kud i rundi maeni ma rac ma kawono, calu i Mungu mwa ma Wegwa yenyo:

⁵dwong’ ma rondo ku rondo ubed ire. Amen.

⁶Ia wang’ lii ka wuai pio kumeno ba ng’atu m’ulwong’owu i bero pa Kristu wudok ba lembanyong’a ma tung’;

⁷ma en e mange ngo: ento jumoko nuti ma gibeng’abu cwinywu, gibeyenyo guok lembanyong’a ma juboth ko pa Kristu dok tung’.

⁸Ento kadok wan, kadi malaika m’uai i polo de, biyero iwu lembanyong’a ma juboth ko ma tung’ ku maeni ma wayero iwu, wek kwong’ ubed i wie.

⁹Calu walar wawacu, awacu kumeca kendo kawono kumae, Tek ng’atu moko yero iwu lembanyong’a ma juboth ko ma tung’ ku maeno ma wujolo no, wek kwong’ ubed i wie.

¹⁰Kum kawono abeyenyo dhanu e m’ufoya, kadi Mungu? kadi abeponjo nyayu mutoro i dhanu? tek abeyenyo nyayu mutoro i dhanu, meca an a jamiru pa Kristu ngo.

¹¹Kum abeketho wung’ei, umego, pi lembanyong’a ma juboth ko m’ayero iwu, ya en e mi dhanu ngo.

¹²Kum agame ba dhanu ngo, kadi juponja kude aponja de ngo, ento ewok i bang’a ni kum nyuth pa Yesu Kristu.

¹³Kum wuwinjo pira i rundi m’ukadhu i kisoma mi Juyahudi, maram anyayu ko ragedo kum kanisa pa Mungu hai, man anyothe:

¹⁴man ang’eyo kisoma mi Juyahudi ma sagu juwada dupa ma rundi migi ro ku para kind dhanu m’i ng’om ma thuwa, ma ava lemkei pa wegwa nega dit apila.

¹⁵Ento kan ebedo ber ni Mungu, m’ukoya, cil kud i ma, man elwong’a ku berone,

¹⁶ya enyuth Wode i ia, kara ayer pire kind Thekdhanumange; e pio pio nica wapido lembe waku kum ku rimo de ngo:

¹⁷kadok aidho malu Yerusalem de ngo ba ju ma gilar gibedo jukwenda i wang’a: ento acidho para i Arabia; man adwogo kendo Dameski.

¹⁸Ka rundi adek ukadhu alund aidho malu Yerusalem niliewo Kefa, wario wakugi de ceng’ apar wi abic.

¹⁹Ento jukwenda mange aneno ngo, ndhu Yakobo m’umin Rwoth.

²⁰Nie pi lembe m’agoro iwu no, wunen, i wang’ Mungu, abeewayu ndra ngo.

²¹Macen abino i ng’om mi Cami ku Kilikia de.

²²Nwang’u kanisa mi Juyahudi ma gini i Kristu fodi ging’eyo wang’a ngo:

²³ento giwinjo awinja kende kumae, Ng’atu ma naka bedunyayu ragedo i kumwa kawono ebeyero lembe mi yioyic ma naka enyotho;

²⁴e gifoyo Mungu i kuma.